Xəstəxanada keçmiş həyat yoldaşından dəhşətli hücum: Tibb işçisi qadın silahla vurludu

Kahramanmaraşın Onikişubat rayonunda yerləşən özəl xəstəxanada dəhşətli cinayət hadisəsi baş verib.

Sonxeber.az türk mediasına istinadən xəbər verir ki, Yamaçtepe məhəlləsində yerləşən tibb müəssisəsində tibb katibi kimi çalışan 42 yaşlı Eser Karaca, keçmiş həyat yoldaşı A.A. tərəfindən tüfəklə vurularaq qətlə yetirilib.

Silahlı hücum zamanı Eser Karaca odlu silahdan atılan atəşlə ağır yaralanıb. Hadisə yerində olan həmkarları dərhal ilk tibbi müdaxiləni etsələr də, qadının həyatını xilas etmək mümkün olmayıb.

Cinayəti törədən A.A. silahı hadisə yerində ataraq qaçmağa çalışsa da, qısa müddət sonra polis tərəfindən saxlanılıb. Hadisə yerinə çoxsaylı polis əməkdaşı cəlb olunub, ərazidə genişmiqyaslı araşdırma aparılıb.

Hazırda faktla bağlı araşdırma davam etdirilir.

Telegramda izləyin