Oğlunu danışmaq adıyla çağırdı, bıçaqlayaraq həyatına son verdi

Antalyada ailədaxili mübahisə qanlı sonluqla nəticələnib.

Sonxeber.az türk mediasına istinadən xəbər verir ki, 60 yaşlı Ali T., bir müddətdir aralarında problem olan 25 yaşlı oğlu Barış T.-ni söhbət etmək bəhanəsi ilə evinin yaxınlığındakı boş əraziyə çağırıb. Burada başlayan mübahisə qısa zamanda şiddətlənib və ata yanında gətirdiyi bıçaqla oğlunu dəfələrlə bıçaqlayaraq hadisə yerindən uzaqlaşıb.

Ərazidəki parkda olan və səs-küyü eşidən vətəndaşlar hadisəyə müdaxilə edərək Barış T.-ni qanlar içində tapıblar. Dərhal 112-yə məlumat verilib və hadisə yerinə polis və təcili yardım çağırılıb. Həkimlərin müdaxiləsinə baxmayaraq, gəncin çoxsaylı bıçaq yaralarından həyatını itirdiyi müəyyən olunub.

Barış T.-nin meyiti hüquq-mühafizə orqanlarının araşdırmasından sonra Antalya Məhkəmə-Tibb müəssisəsinin morquna aparılıb. Atası Ali T. isə eyni küçədəki evində saxlanılaraq ifadə üçün polis idarəsinə aparılıb. Hadisə ilə bağlı araşdırma davam edir.

Telegramda izləyin