Şəmkir xəstəxanasının baş həkimini öldürmək istədilər - FAKTLAR

Şəmkir xəstəxanasının baş həkimini öldürmək istədilər - FAKTLARŞəmkir Rayon Mərkəzi Xəstəxanasının baş həkimi Elçin Əliyevi şantaj etməkdə ittiham olunan rayon sakini, 1987-ci il təvəllüdlü Elçin Babayevin cinayət işinə baxılıb.

Sonxeber.az Teleqraf-a istinadən xəbər verir ki, Elçin 15 sentyabr 2023-cü ildə, saat 08.00 radələrində Şəmkir Rayon Mərkəzi Xəstəxanasının direktoruna məktub yazıb, ondan 16 min manat məbləğində pul istəyib, iki il əvvəl "Zavod yolu" adlanan ərazidəki zibillikdən tapdığı patronu da zərfə qoyub. E.Bavayev məktubu Şəmkir Rayon Mərkəzi Xəstəxanasının giriş qapısındakı mühafizəçiyə verib və onu həmin xəstəxananın baş həkiminə təqdim etməsini istəyib.

İstintaq orqanı tərəfindən Elçin barəsində Cinayət Məcəlləsinin 182.2.4 (xeyli miqdarda əmlak əldə etmək məqsədi ilə hədə-qorxu yolu ilə tələb etmə) və 228.1-ci (qanunsuz olaraq odlu silah, onun komplekt hissələrini, partlayıcı maddələr və qurğular əldə etmə, başqasına vermə, saxlama, daşıma və ya gəzdirmə) maddələri ilə ittiham elan edilib.

Məhkəmədə təqsirləndirilən şəxs qismində ifadə verən E.Babayev özünü təqsirli bilib. O bildirib ki, 15 sentyabr 2023-cü ildə, içərisində bir yazılı vərəq və bir boş güllə olan zərfi Şəmkir Rayon Mərkəzi Xəstəxanasının mühafizəçisinə verib, onu xəstəxananın baş həkiminə çatdırmasını istəyib: "Mühafizəçi məktubu çatdıracağını dedi. Bundan sonra həmin gün axşam saatlarında Şəmkir Rayon Polis Şöbəsinin əməliyyat müvvəkilləri yaşadığım evə gəldi və məni polis şöbəsinə apardılar".

Təqsirləndirilən şəxs verilmiş suallara cavabında bildirib ki, məktubda baş həkimdən 16 min manat pul tələb edib: "Pulu verməyəcəyi təqdirdə xatırladığım qədəri ilə onu cəzalandıracağımı və yaxud öldürəcəyimi yazmışam. Əvvəllər Şəmkir Rayon Mərkəzi Xəstəxanasının baş həkimini tanımamışam. Mənim qardaşımın xəstəliyi ilə əlaqədar sənədləri olsa da, ona pensiya təyin etməyiblər. Bununla bağlı 2 il müddətində müraciətlərimizə müsbət cavab verilməyib. Mən də həmin 2 il müddətində qardaşıma təyin edilməyən pensiyanın məbləğini təxmini hesablamışam və onu baş həkimdən tələb etmişəm. Sözügedən məktubu yazmışam, onu Şəmkir Rayon Mərkəzi Xəstəxanasının baş həkiminə göndərən zaman içkili olmuşam. Zərfin içərisindəki güllə "Kalaşnikov" avtomatının istifadə olunmayan gülləsidir. Həmin gülləni mən tapmışam və tapan zaman onun içərisində barıt olmayıb. Həmin güllənin baş hissəsinə ip keçiriərək, özümdə saxlamışam".

Təqsirləndirilən şəxsin məhkəmə və ibtidai istintaq zamanı verdiyi ifadələr arasında ziddiyyətlər müəyyən edilib.

E.Babayev ibtidai istintaq zamanı verdiyi ifadəsində göstərib ki, heç bir psixi xəstəlikdən əziyyət çəkmir və bununla əlaqədar müalicə almayıb: "Psixi cəhətdən özümü sağlam hesab edirəm. Rəsmi olaraq işləmirəm. Fərdi əməklə məşğul oluram. Zərərçəkmiş şəxsi qiyabi tanıyıram. Onunla aramızda düşmənçilik və ədavət yoxdur".

Təqsirləndirilən şəxsin sözlərinə görə, həkimə məktub yazmağı hadisədən təxminən 3-4 gün əvvəl yaşadığı ünvandaca ağlına gəlib: "Həmin məktubda onu öldürəcəyimi bildirirək, pul tələb etməyi qərara aldım. Məktubu yazdım və yaşadığım evdə çarpayının altına qoydum. Növbəti gün saat 08.00 radələrində həmin məktubu zərfə qoyaraq, aparıb xəstəxananın mühafiəzəçisinə verdim. Zərfi Elçin həkimə çatdırılmasını xahiş etdim. Mühafizəçi zərfi alıb, onu həkimə çatdıracağını bildirdi. Mən də bundan sonra həmin ünvanı tərk edərək, yaşadığım ünvana qayıtdım".

İş üzrə zərərçəkmiş qismində ifadə verən Elçin Əliyevin sözlərinə görə, Şəmkir Rayon Mərkəzi Xəstəxanasında baş həkim vəzifəsində işləyir: "Təqsirləndirilən Elçinlə tanışlığımız onun qardaşının xəstəliyi səbəbindən olub. Təqsirləndirilən şəxs, qardaşının psixoloji problemləri olduğu üçün çox sayda iynə udması ilə bağlı bizə müraciət etmişdi. Lakin biz qarın boşluğunda çox sayda iynə olduğu üçün əməliyyat edə bilmədiyimizi bildirdik, onu Bakıda yerləşən xəstəxanaya göndərdik. Bundan sonra təqsirləndirilən şəxsin qardaşı müalicə olunaraq rayona qayıtdı. Onun səhhəti ilə bağlı Elçinin anası yanıma gedib-gəlib. Mən də Elçinin qardaşının səhhəti ilə bağlı daim tövsiyyələrimi vermişəm və münasibətlərimiz də yaxşı olub. Eyni zamanda təqsirləndirilən şəxsin qardaşının əlillik dərəcəsi alması üçün psixiatriya xəstəxanasında müalicə almalı olduğunu bildirmişəm. Ailəsi də bununla razılaşıb və mənə təşəkkür edib. Hadisə baş verən gün işə gəldim. Xidməti otağımın qarşısına çatanda katibə mənə bir ədəd zərf verdi. Mən də zərfi götürdüm, içəridə vətəndaşlar olduğu üçün açmadım. Zərfdə qabarıqlıq olduğunu gördüm. Lakin içərisində elektron imza olduğunu ehtimal etdim. Daha sonra zərfin üzərindəki yazıya diqqət edən zaman onun üzərində "Baş həkim" sözlərinin yazıldığını gördüm. Bunun rəsmi yazı olmadığını dərk etdim. Daha sonra sözügedən məsələ ilə bağlı polis orqanına müraciət etdim".

Zərərçəkmiş şəxs bildirib ki, zərfi açdıqda onun içərisində bir ədəd məktub və bir ədəd patron olub: "Məktubun içərisində xatırlamadığım banka məxsus kart hesabı qeyd olunmuşdu və 1 ay müddətində həmin hesaba 16.000 manat məbləğində pul ödəməyəcəyim təqdirdə məni ağır cəzanın gözlədiyi qeyd edilmişdi. Təqsirləndirilən şəxs tərəfindən zərfdə göndərilmiş patronun dolu, yaxud boş olması barədə məlumatım olmayıb".

Gəncə Ağır Cinayətlər Məhkəməsinin hökmü ilə təqsirləndirilən şəxs 6 il müddətinə azadlıqdan məhrum edilib. Onun cəzasını ümumi rejimli cəzaçəkmə müəssisəsində çəkməsi müəyyən edilib.

Bu hökmdən təqsirləndirilən şəxsin müdafiəçisi apellyasiya şikayəti verib. Müdafiəçi birinci instansiya məhkəməsinin hökmünün ləğv edilməsini və təqsirləndirilən şəxsin barəsində bəraət hökmü çıxarılmasını, buna əsas olmadığı halda Cinayət Məcəlləsinin 70-ci (şərti məhkum etmə) maddəsini tətbiq edilməsini və təyin olunmuş cəzanın şərti hesab olunmasına dair qərar qəbul edilməsini xahiş edib.

Şikayətə Gəncə Apellyasiya Məhkəməsində hakim Salman Hüseynovun sədrlik etdiyi kollegiyada baxılıb. Məsələni araşdıran hakimlər heyəti qərar elan edib.

Qərara görə, şikayət qismən təmin edilib və təqsirləndirilən şəxsin cəzası 3 ilə endirilib.


Sonxeber.az
Telegramda izləyin
Kriminal   Baxılıb: 1474   Tarix: 03 iyun 2025  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

10 milyonluq qızılla tutulan polkovnikin cəzası azaldıldı

İstanbul Hava Limanında 70 kiloqram qaçaqmal qızılla tutulan polkovnik-leytenant Qəhrəman Məmmədovun hökmündən verilmiş apellyasiya şikayətinə baxılıb. "Qafqazinfo"nun əldə etdiyi məlumata görə, Bakı Apellyasiya Məhkəməsi məhkumun bəraət tələbini əsaslı hesab etməyib. Amma Bakı Hərbi Məhkəməsini

11 noyabr
.

Bakıda məktəbli qətlə yetirildi - Sinif yoldaşı saxlanıldı - Yenilənib

Bakının Nizami rayonunda məktəbli bıçaqlanıb. "Report"a istinadən xəbər verir ki, hadisə nəticəsində xəsarət alan şagird ölüb. Qətli törətməkdə şübhəli bilinən yeniyetmə polis əməkdaşları tərəfindən müəyyən edilərək saxlanılıb. Faktla bağlı cinayət işi açılıb, araşdırma aparılır. *. -ın məlumatın

5 oktyabr
.

Şamaxıda qadın su çənində boğuldu

Şamaxı rayonunda 50 yaşlı qadın bədbəxt hadisə nəticəsində ölüb. "Qafqazinfo" xəbər verir ki, Şamaxı şəhər sakini 1976-cı il təvəllüdlü Piriyeva Pakizə Gülaməddin qızı həyətindəki su çəninə düşüb. O, suda boğularaq vəfat edib. Faktla bağlı araşdırmalar rayon prokurorluğu tərəfindən aparılı

11 noyabr
.

Atasının ölümünə səbəb olan sürücü həbsdən azad edildi

Yol hərəkəti qaydalarını pozaraq ehtiyatsızlıqdan bir nəfərin ölümünə, dörd nəfərin isə müxtəlif dərəcəli bədən xəsarətləri almasına səbəb olmaqda təqsirli bilinən şəxs barəsində çıxarılmış hökmdən verilən apellyasiya şikayətlərinə baxılıb. "Qafqazinfo" xəbər verir ki, bu barədə Bakı Apellyasiy

12 noyabr
.

Naxçıvanda dəhşətli cinayət: Nənə yeni doğulan nəvəsini avtomobildə boğaraq öldürüb

Naxçıvanda yeni doğulan körpəni öldürən 1974-cü il təvəllüdlü K.S.-nin məhkəmə prosesi başa çatıb. -a istinadla xəbər verir ki, Naxçıvan MR Ağır Cinayətlər Məhkəməsində keçirilən prosesdə dəhşətli faktlar üzə çıxıb. Məlum olub ki, qadının öldürdüyü körpəni onun öz qızı dünyaya gətirib. 52 yaşlı təqsirləndirilə

23 sentyabr
.

Aliment verməkdən imtina edən kişi - 4-cü dəfə həbs olundu

Sabirabad rayonunda aliment borcunu qərəzli şəkildə ödəməyən şəxs növbəti dəfə həbs olunub. "Qafqazinfo"nun əldə etdiyi məlumata görə, rayonun Çöl Beşdəli kəndində yaşayan 1984-cü il təvəllüdlü Əhməd Ələmov (ad və soyadlar şərtidir) bu dəfə 1 il 6 ay müddətinə həbs cəzasına məhkum edilib. Araşdırmala

30 sentyabr
.

Prokuror general qızı haqda qərardan protest verdi

Prokuror general Natiq Əliyevin külli miqdarda dələduzluqda ittiham olunan qızı Türkər Əliyeva barəsində çıxarılan ev dustaqlığı qərarından protest verib. "Qafqazinfo"nun əldə etdiyi məlumata görə, protest artıq məhkəməyə təqdim edilib. Prokuror ağır cinayətdə ittiham olunan mediator xanımı

16 noyabr
.

Əvvəl təcavüz edib, sonra boğaraq öldürüb: Xəyalənin qətlə yetirildiyi hadisənin pərdəarxası

2016-cı ildə Cəlilabadda itkin düşən, 9 il sonra isə qətlə yetirildiyi üzə çıxan 1982-ci il təvəllüdlü Xəyalə Ramiz qızı Xəlilovanın ölümü ilə bağlı məhkəmə prosesi başa çatıb. -a istinadən xəbər verir ki, Lənkəran Ağır Cinayətlər Məhkəməsində Cavanşir Nəbiyevin sədrliyi ilə keçirilən prosesdə təqsirləndirilə

9 oktyabr
.

Mehriban Rəhimliyə hökm oxundu

ABŞ-nin "German Marşal Fondu"nun Azərbaycan üzrə məsləhətçisi Mehriban Rəhimlinin cinayət işi üzrə məhkəmə baxışı keçirilib. -ın məlumatına görə, Bakı Ağır Cinayətlər Məhkəməsində hakim Namiq Kərimovun sədrliyi ilə keçirilən iclasda məhkəmə istintaqının yekunlaşdığı elan edilib. Daha sonr

7 oktyabr