Yolda aparılan təmir işləri zamanı daş qəbir tapıldı - FOTOlar

Altınordu rayonunun Akkəsə qəsəbəsində yol genişləndirilməsi zamanı iş maşınının kürəyinə daş parçaları ilişib.

Sonxeber.az türk mediasına istinadən xəbər verir ki, işlər dərhal dayandırılıb və Ordu Muzey İdarəsinə məlumat verilib. İlk araşdırmalarda Roma və ya Bizans dövrünə aid olduğu güman edilən 2 daş qəbir aşkar olunub.

Arxeoloqların müşayiəti ilə xilasetmə qazıntısı aparılıb, qəbirdən insan sümükləri tapılıb. Tapıntılar muzeyə göndərilib, dəqiq tarixi araşdırmalardan sonra müəyyən ediləcək.

Altınordu bələdiyyə sədri Ulaş Tepe işlərin aidiyyəti qurumlarla koordinasiya ilə aparıldığını və yol işlərinin yenidən planlaşdırılacağını bildirib.

Qəsəbə sakini Ömər Manav isə tapıntılara görə sakinlərin həyəcanlı olduğunu deyib.

Telegramda izləyin