"Fener Bahçe" adlı azarkeşdən "Fənərbaxça"ya mesaj var

Aydının Karacasu rayonunun Alemlər kəndində yaşayan "Fənərbaxça" azarkeşi Şərəf Bahçe, 1984–1985 mövsümündə sevdiyi komanda çempion olduqdan sonra həmin il dünyaya gələn oğluna "Fener" adını verib.

Sonxeber.az xəbər verir ki, "Fener Bahçe", atasının iziylə sarı-lacivərdli komandaya könüldən bağlanıb. İstanbul təmsilçisinin oyunlarını heç vaxt qaçırmayan Fener Bahçe qələbələrlə sevinib, məğlubiyyətlərlə kədərlənib. Hazırda Alemlər kəndində fermerliklə məşğul olan, 3 uşaq atası, 40 yaşlı Fener Bahçe adını daşıdığı komandaya sevgisini həyatının ayrılmaz hissəsinə çevirib. O, hər gün Fənərbaxçanın rəsmi geyimlərini geyinməyə xüsusi diqqət yetirir.

Adının atasının və onun əmisi oğlunun girdiyi bir mərc nəticəsində qoyulduğunu bildirən Fener Bahçe belə deyib:

"Həmin il Fənərbaxça çempion olanda atam adımı Fener qoyur. adımın gerçək olduğuna əvvəlcə heç kim inanmırdı. Vəsiqəmi göstərsəm də, inanmayanlar olurdu. Hətta müəllimlərim də əvvəlcə zarafat edirdilər. Getdiyim yerlərdə əvvəl təəccüblənirdilər, sonra isə şəkilimi çəkirdilər".

Fənərbaxça prezidenti Ali Koç və klubdan ayrılan tanınmış televiziyaçı Acun Ilıcalıya səslənən Fener Bahçe, ən böyük arzusunun Fənərbaxça–Qalatasaray oyununu stadiondan izləmək olduğunu bildirib. O, komandanın baş məşqçisi Joze Mourinyonun yerinə İsmayıl Kartalın daha uğurlu olacağına inandığını vurğulayıb:

"Ali Koç hörmət edilən, sevilən bir insandır. Onun prezident postunda qalmasını istəyirik. İnşallah bu il çempion olarıq. Həyat yoldaşımla bir övlad daha düşünürük. Əgər olsa, adını "Aziz Ali" qoya bilərəm. Aziz Yıldırım da sevilən bir insandır, illərlə Fənərbaxçada prezident olub. Ali Şen də elə. Ya Aziz Ali, ya da Ali adını verə bilərik".

Telegramda izləyin