"Fənərbağça"nın keçmiş ulduzundan şok açıqlamalar!

Futbol üzrə UEFA Çempionlar Liqasının 2-ci təsnifat mərhələsində üz-üzə gələcək "Fənərbağça" və "Feyenoord" qarşılaşmasına hər iki klubda çıxış etmiş Dirk Kuyt münasibət bildirib.

Sonxeber.az türk mediasına istinadən xəbər verir ki, Hollandalı veteran futbolçu, "Feyenoord"un ev oyunlarında çox güclü olduğunu vurğulayıb:

"Feyenoord evdə çox güclüdür. Bu oyunda qalib gələcəklər. Robin van Persie baş məşqçi kimi yaxşı bir başlanğıc etdi. Ümid edirəm ki, bu uğuru davam etdirə bilər. Azarkeşlərin dəstəyi böyük rol oynayacaq. Niderlandda Feyenoord qalib gələcək" – deyə Kuyt bildirib.

Kuyt həmçinin hər iki klubun güclü azarkeş bazasına sahib olduğunu vurğulayıb:

"Fənərbağça və Feyenoord əsl xalq klublarıdır. Azarkeşləri həmişə fərq yaradır. Fənərbağçada oynayarkən "Qalatasaray"ı məğlub etdiyimizdə insanlar küçələrə axışırdı. Hər yerdə bayram ab-havası olurdu, avtomobillərin siqnalları dayanmırdı" – deyə o əlavə edib.

Türkiyə təmsilçisinin uzun illərdir çempion ola bilməməsinə də toxunan Kuyt, bu barədə belə danışıb:
"Klub illərlə çempionluq həsrəti ilə yaşayırdı və biz həmin arzunu gerçəkləşdirdik. İstanbula nə vaxt getsəm, insanlar hələ də o çempionluğu xatırlayır. O vaxtdan bəri Fənərbağça bir daha çempion ola bilməyib"

Telegramda izləyin