Qaranlıqda gəzmək sağlamlıq üçün faydalıdır

Təbiət təkcə gündüz deyil, gecə vaxtı da terapiya ola bilər. Qaranlıqda təbiətlə təmasda olmaq, ulduzları izləmək, ay işığında gəzmək və s. insanlarda bağlılıq və heyranlıq hissi oyadaraq psixi sağlamlığa müsbət təsir göstərir.

Son illər aparılan elmi araşdırmalar göstərir ki, günəş işığında vaxt keçirmək kimi, gecə saatlarında təbiətdə olmaq da insan sağlamlığına faydalıdır. Xüsusilə psixoloji rifah baxımından qaranlıqda təbiətlə təmas forması kimi qəbul edilən bu fəaliyyətlər ekoterapiya növü hesab olunur.

Elmi araşdırmalar nə deyir?

Lent.az xarici mediaya istinadən xəbər verir ki, 2024-cü ildə aparılmış bir araşdırmada "Gecə Səması ilə Bağlılıq İndeksi" (NSCI) hazırlanıb. Tədqiqatçılar 406 iştirakçı arasında apardıqları sorğu nəticəsində müəyyən ediblər ki, gecə səması ilə yüksək səviyyədə emosional bağlılıq göstərən şəxslər daha yüksək psixi rifaha malikdirlər.

Digər bir araşdırma isə təbiətlə qurulan emosional əlaqənin insanların ümumi sağlamlıq və xoşbəxtlik səviyyəsini artırdığını göstərir. 2022-ci ilin tədqiqat xülasəsində qeyd olunur ki, ulduzlu səmanı izləyərkən yaranan heyranlıq hissi aşağıdakı faydaları təmin edə bilər:

Emosional, sosial və psixoloji rifahı yaxşılaşdırır, stress, depressiya və posttravmatik stres pozuntusu səviyyəsini azaldır, fiziki sağlamlığı dəstəkləyir, avtoimmun xəstəliklərin simptomlarını azaldır, ürək sağlamlığını gücləndirir, ömür uzunluğunu artıra bilər.

2018-ci ildəki bir araşdırma isə göstərir ki, təbiətdə vaxt keçirmiş universitet tələbələri daha yüksək rifah səviyyəsi nümayiş etdiriblər.

Gecə təbiətlə əlaqə: Hansı fəaliyyətlər faydaldır?

Ekoterapiya növü kimi qaranlıqda təbiətlə təmas qurmaq üçün bir sıra seçimlər mövcuddur:

Ulduzları izləmək, ay işığında gəzintiyə çıxmaq, təhlükəsiz ərazilərdə od qalamaq

Tədqiqatçılar bildirirlər ki, qaranlıqda təbiətdə olmaq da günəş işığında vaxt keçirmək qədər faydalı ola bilər. Xüsusilə axşam yeməyindən sonra edilən qısa gəzintilər həm psixi, həm də fiziki sağlamlığa müsbət təsir edə bilər.

Təhlükəsizlik mütləqdir
Qaranlıqda təbiətdə vaxt keçirmək istəyən şəxslər üçün təhlükəsizlik qaydalarına əməl etmək olduqca vacibdir. Mütəxəssislər aşağıdakı tədbirləri tövsiyə edirlər:

Gecə gəzintilərində görünmək üçün işıqqaytarıcı geyimlər geyinmək, fənər və digər işıq mənbələri götürmək, od qalayarkən şəhər və ya park qaydaları ilə tanış olmaq.

Telegramda izləyin