Dişlərinizi bu gündəlik vərdişlər məhv edir

Diş çöpündən istifadə diş problemlərinə səbəb ola bilir.

Ölkə.az "lenta.ru"ya istinadla xəbər verir ki, bu barədə stomatoloq Uqo Roberto Levgoy danışıb.

Onun sözlərinə görə, bir çox gündəlik vərdişlər zərərsiz görünsə də, əslində dişlərə ciddi ziyan vurur:

"Qələm qapaqlarını gəmirmək və ya buzu çeynəmək dişlərin qopmasına (çatlamasına) və ya iltihabi proseslər nəticəsində kanal müalicəsinə ehtiyac yaranmasına səbəb ola bilər".

Digər zərərli vərdişlər arasında o, dişləri müxtəlif qablaşdırmaları açmaq üçün istifadə etməyi və sərt diş fırçası ilə təmizləməyi də qeyd edib. Bundan başqa, yeməkdən sonra diş çöpündən istifadə və dırnaq yemək də dişlərin zəifləməsinə gətirib çıxarır.

Həkim həmçinin əlavə edib ki, diş sapı ağız gigiyenasının vacib hissəsidir, lakin diqqətsiz istifadə olunduqda diş ətlərinə zərər verə bilər.

Telegramda izləyin