Azyaşlı uşaq ailəsinin yanında siqaret çəkdi – valideynlərin laqeydliyi sosial mediada narazılıq doğurdu

İzmitdə azyaşlı uşağın ailəsinin yanında siqaret çəkməsi sosial şəbəkələrdə böyük rezonans doğurub.

Sonxeber.az türk mediasına istinadən xəbər verir ki, sosial mediada yayılan görüntülərdə yaşı az olduğu təxmin edilən uşağın ailə üzvləri ilə eyni masada əyləşərək rahat şəkildə siqaret çəkdiyi, hətta siqaret tüstüsündən "halqa" çıxardığı əks olunub.

Videoda uşağın valideynlərinin bu vəziyyətə laqeyd yanaşması və hər hansı reaksiya verməməsi izləyicilərin kəskin tənqidinə səbəb olub. Hadisə qısa müddətdə geniş müzakirələrə yol açıb və çoxsaylı sosial media istifadəçiləri valideynləri məsuliyyətsizlikdə ittiham ediblər.

İzləyicilərdən bəziləri "Sabah bu uşağı cinayət törədərkən görsək, təəccüblənməyəcəyik", "Bu nəsil tamamilə nəzarətdən çıxıb", "Belə hadisə mədəni ölkədə baş versəydi, uşaq dərhal dövlət himayəsinə götürülərdi" kimi şərhlər yazıblar.

Mövzu ilə bağlı ekspertlər bildiriblər ki, bu kimi hallar uşaqların sağlamlığına və psixoloji inkişafına ciddi zərər vurur, həmçinin valideyn məsuliyyəti və uşaq hüquqlarının qorunması məsələsində qanunların daha ciddi tətbiqinə ehtiyac var.

Telegramda izləyin