Burun əməliyyatı üçün 18 yaşı gözləmək lazım deyil – Uşaqlar üçün erkən müdaxilə vacibdir

İnsanlar arasında geniş yayılmış "burun əməliyyatı üçün 18 yaş gözlənilməlidir" fikri uşaqlar üçün səhv yanaşmadır.

Sonxeber.az türk mediasına istinadən xəbər verir ki, türkiyəli qulaq-burun-boğaz üzrə mütəxəssis, professor Dr. Mustafa Kazkayası bildirir ki, nəfəs alma probleminə səbəb olan burun əyrilikləri erkən yaşda müalicə edilməlidir.

Uşaqlarda tez-tez müşahidə olunan burun tıxanıqlığı, ağız açıq yuxu, hırıltı və tez-tez təkrarlanan yuxarı tənəffüs yolu infeksiyalarının əsas səbəbi septum deviasyonu, yəni burun içi əyrilikdir. Prof. Dr. Kazkayası deyib ki, "18 yaşını gözləmək" yanaşması yalnız estetik əməliyyatlarda nəzərə alınır, funksional problemlərdə isə gecikmə uşağın üz və çənə inkişafına mənfi təsir göstərə bilər.

Professor vurğulayıb:

"Burun əyriliyi səbəbindən düzgün nəfəs ala bilməyən uşağın üz və çənə inkişafı pozula bilər. 18 yaşını gözləmək, uzun üz sindromu və diş problemləri ilə müşayiət olunan daimi qüsurlara gətirib çıxara bilər. Ailələr rinoplastika ilə funksional septoplastik əməliyyatı qarışdırmamalıdır".

Pediatrik septoplastika – uşaqlarda burun əyriliyinin əməliyyatı – böyüklərə tətbiq olunan əməliyyatlardan fərqlidir deyə, Prof. Dr. Kazkayası açıqlayıb:

"Uşaqlarda burun qığırdağı və sümük inkişaf nöqtələrinə zərər vermədən, yalnız nəfəs almağı əngəlləyən əyriliklər minimal və qoruyucu üsullarla düzəldilir. Əsas məqsəd estetik deyil, funksional müdaxilədir".

Ailələr uşaqlarında aşağıdakı əlamətlər varsa, gecikmədən mütəxəssisə müraciət etməlidir:

Gecələr davamlı xırıltı

Ağız açıq yuxu

Tez-tez yuxudan oyanma

Gündüz yorğunluq və diqqət dağınıqlığı

Yaşıdlarına nisbətən tez-tez infeksiyalar

Prof. Dr. Kazkayası qeyd edir ki, erkən müdaxilə uşağın həm indiki həyat keyfiyyətini, həm də gələcək üz və çənə inkişafını qoruyur.

Telegramda izləyin