"Yaşadığım evin dəyəri 10 milyon dollardır"

Məşhur türkiyəli şoumen Mehmet Ali Erbil barəsində yayılan "maddi cəhətdən çökdü" iddialarına cavab verib.

Sonxeber.az türk mediasına istinadən xəbər verir ki, o, Enver Ayseverin YouTube proqramında çıxış edərək sərvətinin bilindiyindən də möhkəm olduğunu qeyd edib.

Erbil açıqlamasında deyib:

"Heç işləməsəm də, nəvələrimə qədər yetəcək qədər sərvətim var".

Son vaxtlar həm şəxsi həyatı, həm də özündən 42 yaş kiçik həyat yoldaşı Gülseren Ceylanla evliliyi səbəbindən mediada tez-tez gündəmə gələn sənətçi, maliyyə çətinliyi yaşadığına dair xəbərləri qəti şəkildə təkzib edib.

Maddi vəziyyəti ilə bağlı danışan Mehmet Ali Erbil belə deyib:

"Hazırda yaşadığım evin dəyəri 10 milyon dollardır. Keçmiş həyat yoldaşlarıma verdiyim evlərin ümumi dəyəri də 10 milyon dollardır".

Erbil həmçinin qumarda böyük itkilər yaşadığı iddialarına da cavab verib:

"Qumarda varımı-yoxumu itirməmişəm. Övladlarımın, nəvələrimin gələcəyini təmin etmişəm. Təhsilləri üçün də sərmayə yatırmışam".

Beləliklə, Mehmet Ali Erbil yayılan iddiaları rədd edərək, sərvətinin kifayət qədər güclü olduğunu vurğulayıb.

Telegramda izləyin