Səidə Bəkirqızı əməliyyat oluna bilər

Space TV-nin aparıcısı Səidə Bəkirqızının dünən canlı yayım zamanı qəfil səhhəti pisləşib və studiyada yıxılıb. Dərhal çəkiliş komandası tərəfindən təcili tibbi yardım briqadası çağırılıb və teleaparıcı Kəpəz Hospitalına aparılıb.

BiG.AZ baş verən hadisə ilə bağlı Səidə Bəkirqızı ilə əlaqə saxlayıb. Saytımıza açıqlamasında Səidə xanım bildirdi ki, verilişin 20-ci dəqiqəsində başgicəllənmə, gözqaralma, qulaqlarında böyük bir səs olduğunu hiss edib.

Onun sözlərinə görə, ürəyi anidən sürətli şəkildə çırpınmağa başlayıb:
"Hiss etdim ki, təzyiqim qalxıb və normal olaraq ürək özünü idarə edə bilməyib. Əməkdaşlara dərhal xəbər etdim ki, yaxşı deyiləm və hər an nəysə ola bilər. Yəni siz hər şeyə hazır olun. Onlarda dərhal təcili tibbi yardıma zəng etdilər. On dəqiqədə efiri idarə etdim. Əslində əməkdaşlar mənə bildirdilər ki, Səidə xanım istəyirsiniz efiri yarımçıq saxlayaq və efirə başqa bir proqram getsin. Lakin mən istəmədim. Əməkdaşlara bildirdim ki, hələki özümü idarə edə bilirəm. Ancaq getdikcə halım dahada pisləşdi. O anda dərhal təcili tibbi yardımın əməkdaşları studiyaya daxil oldular və ilk olaraq təzyiqimi ölçdülər. Təzyiqim 200 idi. Həttda təcili tibbi yardımın əməkdaşları bizim əməkdaşlara bildirib ki, xanımın təzyiqi 250-yə çatırdı və bu təzyiqlə həyatda qalması Allahın möcüzəsidir. Çünki bu cür yüksək təzyiqə hər insan tab gətirə bilmir. Təcili tibbi yardımın əməkdaşları məsləhət gördülərki, məni klinikaya yerləşdirsinlər. Ancaq mən bildirdim ki, ehiyac yoxdur artıq dərman vermisiniz. Düşündüm ki, yəqinki tədricən təzyiqim normallaşar. Təzyiqim artıq 170-ə düşmüşdü və təcili tibbi yardımın əməkdaşları artıq getdilər. Lakin təzyiqim yenidən 185-ə qalxdı və ikinci təcili yardım çağırdılar. Təcili yardımın əməkdaşları bildirdilər ki, siz artıq krizis keçirdirsiniz və mütləq xəstəxanaya yerləşdirilməlisiniz. Dərhal məni Kəpəz Hospitala apardılar. Space televiziyasının rəhbərliyi o klinikanı məsləhət gördü. 5 saat həkim müayinəsində qaldım. Xüsusi müayinələr etdilərki, təzyiqin nədən qalxdığını bilsinlər. Bir problem aşkarlandı səhhətimdə və ola bilər ki, yaxın günlərdə əməliyyat olundum. Hal-hazırda həkim nəzarətindəyəm. İnşallahki hər şey yaxşı olar", - deyə Bəkirqızı bildirib.

Telegramda izləyin