Yeni ili bölgələrdə qarşılamaq neçəyə başa gələcək?

Artıq dekabr ayıdır və Yeni ilə sayılı günlər qalıb. Bayram gecəsini oteldə qeyd etmək istəyənlər üçün ölkənin məşhur istirahət məkanlarında qiymətlər müəyyənləşib. Bu il 31 dekabrdan etibarən 2 gecə-3 günlük paketlərin qiymətləri regionlara görə dəyişir.

Sonxeber.az BAKU.WS-əistinadən xəbər verir ki, bu istiqamətdə apardığı araşdırmanın nəticəsini təqdim edir:

Lənkəran

Ölkənin ən çox seçilən turizm bölgələrindən olan Lənkəranın məşhur otellərindən birində Yeni il paketi 1500 AZN-dən başlayır. Bu qiymət 31 dekabr - 2 yanvar tarixlərini əhatə edir.

Nabran

Dənizkənarı istirahət zonasında bayramı keçirmək istəyən iki nəfər üçün 2 gecə-3 günlük paket qiyməti 1100 AZN-dir.

Şamaxı

Məşhur otellərindən birində Yeni il gecəsini qarşılamaq istəyənlər üçün qiymətlər 1980 AZN-dən başlayır.

İsmayıllı

31 dekabrdan 2 yanvara qədər olan paket burada 1860 AZN olaraq təqdim edilir.

Quba

Şimalın incisi sayılan Quba rayonunun ən məşhur otellərindən birində 2 nəfər bayramı qarşılamaq istəsə 1690 AZN-ini gözdən çıxarmalı olacaq.

Şəki

Tarixi-mədəni ab-havalı Şəkidə 2 gecə-3 günlük Yeni il paketi 1600 AZN-dir.

Xankəndi

Bu bölgədə Yeni il istirahəti üçün qiymətlər nisbətən daha münasibdir - 960 AZN.

Şuşa

Qarabağın mədəniyyət beşiyində 31 dekabr-2 yanvar paketləri 950 AZN-dən başlayır.

Qeyd edək ki, 2 nəfər üçün əksər otellərin təqdim etdiyi bu paketlərə səhər yeməyi, nahar və şam yeməyi, eləcə də pulsuz spirtli və spirtsiz içkilər, bayram şou proqramı, bəzən isə əlavə əyləncə və istirahət xidmətləri də daxildir.

Yeni ili bölgələrdə qarşılamaq istəyənlər üçün həm seçim çoxdur, həm də qiymətlər artıq formalaşıb.

Telegramda izləyin