Cüdo Federasiyası rəhbərliyi 6 aylıq maaşını mənimsədiyi idmançının zallara girişinə qadağa qoydurdu - İDDİA

Azərbaycan Cüdo Federasiyasının rəhbərliyi ilə idmançılar arasındakı problemlər səngimək bilmir. Azərbaycan Cüdo Federasiyası gənc cüdoçunun 6 aylıq maaşını mənimsəyib. Bundan əlavə idmançı problemini mediada işıqlandırdığı üçün ona zallara giriş qadağan olunub.

Bu barədə cüdoçu Musa Hüseynli Sonxeber.az -a müsahibəsində bildirib.

Musa Hüseynli qeyd edib ki, mənə edilən haqsızlıqla bağlı mediaya açıqlama verdikdən sonra Cüdo Federasiyasının rəhbərliyinin mənə qarşı qərəzli münasibət daha da artdı:

"Hətta mənə Bakıdakı zallara giriş qadağan olundu. Atam federasiyaya gedəndən sonra mənə qoyulan qadağa götürülüb. Hazırda Cüdo Federasiyasının rəhbərliyi mənə özlərinin hazırladıqları sənədə qol çəkmək üçün mənə təzyiq göstərir. Mənə deyirlər ki, qol çəkməsə sənə bir qəpik də verilməyəcək. Mən sizin vasitənizlə Gənclər və İdman Nazirliyinə müraciət edib, xahiş edirəm ki, Cüdo Federasiyasının rəhbərliyinin idmançılara qarşı göstərdiyi təzyiqlər və özbaşınalıqla bağlı qanunla ölçü götürülsün".

Musa Hüseynlinin problemi ile bağlı Sonxeber.az-a verdiyi geniş video müsahibəni təqdim edirik:

Telegramda izləyin