"Bu gün Azərbaycanda boşanmaların günahkarı 99% kişilərdir"-gənc iş adamı Əli Mirzəoğlu

"Bir ailədə eniş-yoxuşların olması həyatın qanunudur. İnsanların səhvlərini üzə vurub onları depressiyaya salmaq düzgün deyil. Hər bir ailədə söz-söhbət ola bilər, lakin bu hallar heç vaxt etik normalardan kənara çıxmamalıdır".

Bunu BiG.AZ-ın "Səmimi söhbət" verilişinə müsahibə verən gənc iş adamı Əli Mirzəoğlu bildirib.

O, qeyd edib ki, müasir düşüncəli gənc olsam da, bəzi məqamlarda köhnə dəyərləri dəstəklədiyim olur. Düşünürəm ki, insan həyat yoldaşı ilə arasındakı hörmət pərdəsini heç vaxt qaldırmamalıdır. Bizim çox gözəl ailə dəyərlərimiz var və ilk növbədə həmin dəyərlərə sahib çıxmalıyıq. Texnologiyanın sürətlə inkişaf etdiyi dövrdə robotlaşmamaq üçün bu dəyərləri qorumaq daha da vacibdir:

"Bu gün ailələrin dağılmasının əsas səbəbkarı isə çox vaxt kişilər olur. Əgər normal əxlaqi dəyərlərə sahib iki gəncin qurduğu ailə sonradan dağılırsa, bunun səbəbi adətən kişinin diqqətsizliyi və maliyyə məsələlərinə məsuliyyətsiz yanaşmasıdır. Qadın, əslində, kişinin atdığı addımların əksidir. Kişi necə davranırsa, qadın da ona uyğun münasibət göstərir".

Telegramda izləyin