Yeniyetmələri intihara sürükləyən təklükəli oyunlar... Valideynlər nə etməlidirlər? – PSİXOLOQDAN AÇIQLAMA

Dünən 13 yaşlı yeniyetmənin intihar xəbəri ölkə mətbuatının əsas gündəminə çevrildi. Qorxu filmləri, qorxulu videolar, eyni zamanda Mavi Balina kimi təhlükəli oyunlar yeniyetmələri daim qorxu, stress altında saxlayır. Nəticədə yeniyetmələr intihara əl atırlar. Bəs valideynlər hansı addımı atmalıdırlar?
Mövzu ilə psixoloq Gövhər Məmmədova BiG.AZ-a açıqlamasında bildirdi ki, valideynlər uşaqların yaşına uyğun cizgi filmlərini, filmləri və videoları izləməsinə nəzarət etməlidirlər. Onun sözlərinə görə, uşaqların hər şeyi izləməsi doğru deyil: "Xüsusi ilədə qorxu içərikli oyunlar oynamaq, eyni zamanda filmlər izləmək heç bir yaş kateqoriyası üçün uyğun deyil. Çünki bizim izlədiyimiz bütün filmlər şüur altında qalır və müəyyən bir yaşa çatdıqda, beyn həmin kadrları bizim gözümüzün önünə çıxarır və psixologiyamızla oynamağa başlayır. Uşaq davamlı olaraq eyni oyunu oynayırsa, valideyn artıq SOS siqnalı çalmalıdır.

Valideyn açıq aşkar uşağa sən bu oyunu oynama deyə bilməz. Çünki bu halda uşaq daha çox o oyunu oynamağa başlayacaq. İlk növbədə valideyn uşağa nəyə görə o oyunu oynaya bilməyəcəyini izah etməlidir. Uşağın diqqətini başqa şeyə yönləndirməliyik ki, həmin oyun uşağı yadından çıxsın. Birdə uşaq böyüdükcə çevrəsinə çox ciddi nəzarət etmək lazımdır ki, uşağın dostları kimlərdir yəni o kimlərlə vaxt keçirir".

Telegramda izləyin