Bir kiloqramının qiymətinə 6 kilo ət almaq olar - Buna görə bahadır
Azərbaycana əsasən Türkiyənin Qaziantep bölgəsindən gətirilən fıstıq (Antep fıstığı) kəskin bahalaşıb. Hazırda bazarlarda bu məhsulun 1 kiloqramı orta hesabla 48-50 manata satılır. Bəzi çərəz mağazalarında, eləcə də marketlərdə qablaşdırmadan və növdən asılı olaraq, hətta kilosu 70-100 manat qiymətə olanlarını da tapmaq mümkündür. Bəs bu çərəz niyə belə bahadır?
İqtisadçı Akif Nəsirli "Yeni Sabah"a açıqlamasında bildirib ki, Azərbaycanda Antep fıstığının qiymətinin artmnasının bir neçə səbəbi var:
"Antep fıstığı əsasən idxal olunan məhsuldur, daxili istehsal çox azdır. Bazarda təklif tələbi qarşılamadığında qiymət artır. Dünya bazarında Türkiyə, İran və ABŞ kimi ölkələrdən gələn məhsulun qiymətləri də yüksəldikdə, Azərbaycanda da qiymət artır".
Onun sözlərinə görə, valyuta kursu dəyişiklikləri və nəqliyyat xərclərinin bahalaşması da qiymətə təsir edir: "Bundan başqa, son vaxtlar Dubay şokoladı kimi məhsulların hazırlanmasında Antep fıstığından geniş istifadə olunur, bu da tələbi artırır və qiymətləri daha da yüksəldir".
Ekspert, əlavə edib ki, qiymət fərqləri məhsulun növü, keyfiyyəti və qablaşdırmasından asılıdır:
"Bazarda 48-50 manatlıq standart məhsullar var. Daha keyfiyyətli və ya xüsusi qablaşdırılmış növlər isə 70-100 manata satılır".
Yeri gəlmişkən, qeyd edək ki, bahalığa baxmayaraq, Antep fıstığı yüksək qida dəyərinə görə geniş tələbat görməyə davam edir. Qida üzrə mütəxəssislər bildirirlər ki, fıstıq protein, sağlam yağlar, lif və antioksidantlarla zəngindir. Onun tərkibindəki B6 vitamini, kalium və digər minerallar ürək-damar sisteminin fəaliyyəti, həmçinin immunitetin güclənməsi üçün əhəmiyyətlidir.
Tədqiqatlara əsasən, müntəzəm və normaya uyğun qəbul edilən Antep fıstığı qan şəkərinin tənzimlənməsinə, xolesterinin aşağı salınmasına, eləcə də həzm sisteminin yaxşılaşmasına yardımçı ola bilər. Bununla belə, mütəxəssislər duzlu və ya şirinləşdirilmiş fıstıq məhsullarının sağlamlığa eyni faydanı vermədiyini bildirirlər.
Hazırkı vəziyyətə görə, Antep fıstığı ölkədə ən bahalı çərəzlərdən biri olaraq qalır və yaxın dövrdə ciddi ucuzlaşma gözlənilmir.
Xatırladaq ki, hazırda Azərbaycanda 1 kq mal əti 17-18 manata satılır. Bir kq Antep fıstığının qiymətinə təxminən 6 kq ət almaq olar.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Novxanıda sərnişinlər avtobusda ekstrim yaşadı - Video
Rəşid Mahmudovun evində partlayış baş verib?
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
Kadir İnanırın mirasının məbləği açıqlandı
Azərbaycan-Böyük Britaniya münasibətlərində yeni mərhələ başlayır
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya arasında əməkdaşliq perspektivləri
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA