Talişka Beşiktaş oyununu tribunadan izlədi, Fənərbaxça azarkeşlərinin rəğbətini qazandı - VİDEO

Ziraat Türkiyə Kubokunun C qrupunun ilk turu çərçivəsində Fənərbaxça ilə Beşiktaş Çobani Stadionunda üz-üzə gəlib.

Sonxeber.az türk mediasına istinadən xəbər verir ki, qarşılaşmanı tribunadan izləyənlər arasında sarı-lacivərdlilərin zədəli futbolçusu Anderson Talişka da olub.

Fənərbaxçanın braziliyalı yarımmüdafiəçisi Anderson Talişka ikas Eyüpsporla oyunda zədə almışdı. Klubun yaydığı açıqlamada bildirilib ki, futbolçunun Ataşehir Medicana Xəstəxanasında MRT müayinəsi aparılıb və sağ ayağın aşağı əzələsində dartılma və qanaxma aşkarlanıb. Oyunçunun müalicəsinə başlanılıb.

Zədədən sonra Talişka Fənərbaxça azarkeşlərinin böyük rəğbətini qazanıb. Braziliyalı futbolçu ailəsi ilə birlikdə Milad bayramını qeyd etmək üçün ölkəsinə getmək əvəzinə İstanbulda qalaraq komandasının Beşiktaşla oynadığı derbini stadiondan izləyib.

Talişkanın bu davranışı sarı-lacivərdli azarkeşlərin diqqətindən yayınmayıb. Sosial şəbəkələrdə edilən çoxsaylı paylaşımlarda Milad icazəsi alaraq derbidə forma geyinməyən Ederson və Jhon Duran nümunə göstərilərək Talişkanın fədakarlığı vurğulanıb. Azarkeşlər, "O da ölkəsinə gedib Milad bayramını qeyd edə bilərdi", "Zədəli olmasına baxmayaraq bayram etməyib, oyuna gəlib. Halal olsun", "Talişkaya hörmətim və sevgim bir qat daha artdı" kimi şərhlər yazıblar.

Braziliyalı futbolçunun bu addımı Fənərbaxça camiəsində yüksək qiymətləndirilib.

Telegramda izləyin