"Dolların bahalaşması gec-tez baş verəcək" - İQTİSADÇI NATİQ CƏFƏRLİ

Dolların dəyəri hər zaman həm gündəlik həyatımızda, həm də qlobal ticarətdə önəmli rol oynayıb. 2025-ci ilin sonlarına yaxın bir çox iqtisadi göstəricilər və beynəlxalq hadisələr dolların 2026-cı ildə qiymətini necə formalaşdıracağı barədə suallar doğurur. ABŞ-ın maliyyə siyasəti, inflyasiya səviyyəsi və ticarət balansındakı dəyişikliklər bu prosesə təsir edən əsas amillərdir. Eyni zamanda, dünya bazarlarındakı dalğalanmalar və beynəlxalq valyuta ticarəti də dolların gələcək məzənnəsinə birbaşa təsir göstərir. Bu vəziyyət sıravi vətəndaşlar üçün gündəlik xərclərdən investisiyalara qədər müxtəlif sahələrdə əhəmiyyət daşıyır.
Mövzu ilə bağlı iqtisadçı Natiq Cəfərli BiG.AZ-a açıqlamasında bildirdi ki, Azərbaycanda məzənnə inzibati qaydada tənzimlənir. Onun sözlərinə görə, bunu proqnozlaşdırmaq çətin deyil: "Proqnoz iqtisadi kateqoriyada mümkündür ki, biz müxtəlif parametrləri üst-üstə qoyub müəyyən proqnoz verə bilərik. Ancaq bizdə inzibati məzənnə rejimi olduğu üçün proqnozlaşdırmaq mümkün deyil. Yəni dolların bahalaşması ancaq inzibati qərarla olacaq əgər bahalaşacaqsa. Gələn il məzənnə dəyişikliyinin olacağını düşünmürəm.

Dolların bahalaşması üçün gərək çox ağır iqtisadi şərtlər yaransın. Məsələn neftin qiyməti 40 dollaradək düşsün, dünyada iqtisadi böhranlar yarandığı halda dollar bahalaşa bilər. Gələn il neftin qiyməti onsuzda ucuzlaşacaq. Ancaq manatla bağlı hansısa bir qərarın məhz 2026-cı ildə verilməsini söyləmək çətindir. Ancaq gec tez dollar bahalaşacaq. Yəni manatın hansısa bir qərarla məzənnəsində ucuzlaşma baş verəcək. Zaman baxımından proqnozlaşdırmaq çətin olsada, perpektiv baxımından dolların bahalaşması qaçılmazdır".

Telegramda izləyin