Bahalaşma Bu Dəfə Duru Yağlara Çatdı - İQTİSADÇIDAN AÇIQLAMA

Son günlər duru yağların qiymətində ciddi artım müşahidə olunur. Əvvəllər nisbətən münasib qiymətə satılan bu məhsul indi market və bazarlarda xeyli baha təklif edilir. Gündəlik mətbəxdə geniş istifadə olunan duru yağın bahalaşması ailələrin gündəlik xərclərinə birbaşa təsir edir. Vətəndaşlar bahalaşmanın əsas səbəblərini və qiymətlərin nə vaxta qədər yüksələcəyini öyrənmək istəyir.
Mövzu ilə bağlı iqtisadçı Xalid Kərimli BiG.AZ-a açıqlamasında bildirdi ki, ölkəyə duru yağlar xarici ölkələrdən idxal olunur. Manat dollarla birlikdə ucuzlaşır, həmdə eyni zamanda idxal qiymətləri bahalaşdıqca sahibkarda məhsulu baha qiymətə satır. Onun sözlərinə görə, Prezident yanında Aniinhisar siyasəti və İstehlak Bazarına Nəzarət Dövlət Agentliyi bazarda inhisarçılıq halları və ya razılaşdırılmış hərəkətlər varsa, bununla bağlı araşdırma aparmalıdır: "Bu qurumun birbaşa vəzifəsidir ki, süni qiymət artımı məsələsinə diqqət etsin.

Çünki əgər bazarda inhisarçılıq və ya razılaşdırılma varsa, onun nəticəsində süni qiymət artımı baş verir. Yəni buna nəzarət bu qurumun üzərinə düşür".

Telegramda izləyin