Ayrılığı həzm edə bilmədi, həyat yoldaşına bıçaqlı hücum etdi

İstanbul şəhərinin Sultangazi rayonunda bıçaqlanma hadisəsi baş verib.

Sonxeber.az türk mediasına istinadən xəbər verir ki, məlumata görə, Vahyettin Ç. adlı şəxs evinin qarşısında boşanma mərhələsində olduğu həyat yoldaşının sevgilisi olduğunu iddia etdiyi kişini görüb. Bu zaman tərəflər arasında mübahisə yaranıb və şübhəli şəxs qarşı tərəfi baş nahiyəsindən bıçaqlayıb.

Ağır yaralanan şəxs xəstəxanaya çatdırılıb. Onun vəziyyətinin ağır olduğu və həkimlərin nəzarəti altında həyat uğrunda mübarizə apardığı bildirilir.

Hadisədən sonra qaçan Vahyettin Ç.-nin saxlanılması istiqamətində polis tərəfindən əməliyyat-axtarış tədbirlərinə başlanılıb.

İlkin araşdırma zamanı məlum olub ki, şübhəli şəxsin 4, qadının 7, yaralanan şəxsin isə 6 cinayət qeydiyyatı mövcuddur.

Faktla bağlı araşdırma davam etdirilir.

Telegramda izləyin