Trampdan Makrona qalmaqallı sözlər: şəxsi həyatı üzərindən hədəf aldı

ABŞ Prezidenti Donald Tramp Ağ Evdə çıxışı zamanı Fransa Prezidenti Emmanuel Makron barədə qalmaqallı fikirlər səsləndirib.

Sonxeber.az türk mediasına istinadən xəbər verir ki, Tramp çıxışında Makronu həyat yoldaşı ilə bağlı ifadələrlə hədəf alaraq bildirib ki, "həyat yoldaşı tərəfindən pis rəftar görən Makron hələ də çənəsinə aldığı sağ zərbənin təsirindən çıxmağa çalışır". Bu açıqlama qısa zamanda beynəlxalq mediada geniş müzakirələrə səbəb olub.

ABŞ lideri həmçinin Körfəz regionunda hərbi dəstək üçün müttəfiqlərə müraciət etdiyini, lakin Fransadan mənfi cavab aldığını qeyd edib. Onun sözlərinə görə, Vaşinqton regionda təhlükəsizlik məsələlərində daha fəal əməkdaşlıq gözləyir.

Fransa tərəfi isə hələlik bu açıqlamalara rəsmi reaksiya verməyib. Siyasi müşahidəçilər bildirirlər ki, bu cür sərt ritorika iki ölkə arasındakı münasibətlərdə gərginliyi artıra bilər.

Telegramda izləyin