Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?

Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?"Azərbaycan-Vyetnam əməkdaşlığı tarixində yeni səhifə açılır. Bunun zəruriliyi bir neçə amillə izah olunur. İlk növbədə, Azərbaycan-Vyetnam münasibətlərinin tarixi ənənələrə və möhkəm köklərə malik olduğunu qeyd etmək lazımdır. İkinci Dünya müharibəsindən sonra əsası qoyulan əlaqələr ötən 80 ilə yaxın müddətdə davam etdirilərək yaxşı bir ənənəyə çevrilib".

Bu fikirləri Sonxeber.az-a açıqlamasında siyasi şərhçi Aydın Quliyev bildirib.

"Xüsusilə sovet dövründə Sovet Azərbaycanı ilə Vyetnam arasında təhsildən neft sahəsində əməkdaşlığa qədər müxtəlif istiqamətlərdə həyata keçirilən layihələr münasibətlərin inkişafı üçün möhkəm zəmin yaradıb. 1990-cı illərdən başlayaraq Heydər Əliyevin Vyetnama səfəri, Vyetnam rəhbərliyinin Azərbaycana gəlişi, sonrakı dövrdə İlham Əliyevin Vyetnama səfərləri və qarşılıqlı yüksək səviyyəli təmaslar hər iki ölkə rəhbərliyinin tarixi əlaqələrə hörmətlə yanaşdığını göstərib. Beləliklə, bu münasibətlər dövlətlərarası əməkdaşlıqda davamlı ənənəyə çevrilib.

İlham Əliyevin hazırda davam edən Vyetnam səfəri də iki ölkənin qarşılıqlı əməkdaşlığa xüsusi önəm verdiyinin göstəricisidir. Səfərin Azərbaycan-Vyetnam əlaqələrinin iqtisadiyyat, ticarət, investisiya, rəqəmsal texnologiyalar və digər sahələrdə daha da genişlənməsinə töhfə verəcəyi gözlənilir.

Bu gün Vyetnam Qlobal Cənubun inkişaf etməkdə olan mühüm dövlətlərindən biridir. Azərbaycanın bu ölkə ilə həm ikitərəfli münasibətlər çərçivəsində, həm də beynəlxalq platformalarda əməkdaşlığı müsbət nəticələr verir. Qoşulmama Hərəkatı və Asiyada Qarşılıqlı Fəaliyyət və Etimad Quruculuğu üzrə Müşavirə kimi platformalar iki ölkə arasında münasibətlərin və təmasların gücləndirilməsi baxımından əhəmiyyətli rol oynayıb.

Vyetnam hazırda inkişaf edən və yeni bazarlara çıxışa böyük ehtiyac duyan ölkələrdən biridir. Azərbaycanın Şimal-Cənub və Şərq-Qərb nəqliyyat dəhlizlərinin üzərində yerləşməsi Vyetnam üçün əlavə ixrac və logistika imkanları yaradır. Xüsusilə Orta Dəhliz və Şimal-Cənub marşrutu vasitəsilə Vyetnamın Azərbaycan üzərindən Avropa ilə əlaqələrinin qurulması real perspektiv kimi qiymətləndirilə bilər. Eyni zamanda, Avropadan Vyetnama Azərbaycan üzərindən yüklərin daşınması da böyük potensiala malikdir.

Yaxın Şərqdə davam edən müharibə şəraiti də Vyetnamın Avropa bazarlarına Azərbaycan üzərindən çıxışını daha əhəmiyyətli edə bilər. Yaxın gələcəkdə bu istiqamətdə konkret addımların atılması mümkündür. Ümumilikdə, Azərbaycan-Vyetnam əməkdaşlığı sürətlə inkişaf edir və mövcud dinamika münasibətlərin gələcəkdə daha böyük perspektivlər vəd etdiyini göstərir".

Röyalə Xəyal


Sonxeber.az
Telegramda izləyin
Siyasət   Baxılıb: 195   Tarix: 20 noyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Azərbaycan-Böyük Britaniya diplomatik münasibətlərində yeni inkişaf mərhələsi

Azərbaycanın milli maraqlara əsaslanan çoxvektorlu və balanslaşdırılmış xarici siyasət strategiyası ölkəni regional gücdən qlobal miqyaslı etibarlı strateji tərəfdaşa çevirib. Bu günlərdə dövlət başçısı İlham Əliyevin Dublində keçirilən "Avropa Siyasi Birliyi"nin 9-cu Zirvə Toplantısında iştirak

16 noyabr
.

YAP - cəmiyyətin aparıcı qüvvəsi

Noyabrın 21-də Yeni Azərbaycan Partiyasının yaranmasının 35 ili tamam olur. Cənubi Qafqazın ən qüdrətli siyasi təşkilatı, Azərbaycanın isə hakim siyasi gücü olan partiyamızın yubileyi dövlətimiz və xalqımız üçün vacib, əhəmiyyətli tarixdir. Yeni Azərbaycan Partiyasının qurulduğu 1992-ci il müstəqilli

16 noyabr
.

Yeni Azərbaycan Partiyası - 34 illik siyasi tarix, güclü dövlətçilik və milli inkişaf strategiyasının təcəssümü

Azərbaycanın müasir siyasi tarixində Yeni Azərbaycan Partiyasının yaradılması dövlətçilik salnaməmizin ən mühüm hadisələrindən biridir. 1992-ci il noyabrın 21-də təsis edilən partiya ölkənin müstəqilliyinin ciddi təhlükələrlə üzləşdiyi, siyasi böhranın dərinləşdiyi, idarəçilik sisteminin zəiflədiyi v

17 noyabr
.

Mehriban Əliyevadan Milli Dirçəliş Günü paylaşımı - Foto

Azərbaycanın Birinci vitse-prezidenti Mehriban Əliyeva sosial media hesablarında 17 noyabr - Milli Dirçəliş Günü ilə bağlı paylaşım edib. "Qafqazinfo" paylaşımı təqdim edir:

17 noyabr
.

Prezident Vyetnamın Baş naziri ilə görüşdü - Fotolar - Yenilənib

Bu gün Azərbaycan Prezidenti İlham Əliyevin Vyetnamın Baş naziri Le Minh Hunq ilə görüşü olub. "Qafqazinfo" xəbər verir ki, bununla bağlı Prezidentin Mətbuat Xidməti məlumat yayıb. *. Görüşdə çıxış edən Baş nazir Le Minh Hunq deyib:. - Vyetnama rəsmi səfəriniz münasibətilə Zati-aliləri Prezident

20 noyabr
.

Prezident onları təbrik etdi

Azərbaycan Prezidenti İlham Əliyev Omanın Sultanı Heytəm bin Tariq Al Səidə təbrik məktubu ünvanlayıb. "Qafqazinfo" xəbər verir ki, məktubda deyilir:. "Əlahəzrət,. Oman Sultanlığının milli bayramı münasibətilə Sizi və Sizin simanızda bütün xalqınızı öz adımdan və Azərbaycan xalqı adında

18 noyabr
.

Azərbaycan Prezidentinin səfəri Vyetnam mediasının diqqət mərkəzindədir

Azərbaycan Prezidenti İlham Əliyevin Vyetnama noyabrın 19-da başlayan rəsmi səfərinə bu ölkənin mediası böyük diqqət ayırıb. AZƏRTAC xəbər verir ki, nüfuzlu qəzetlər, xəbər portalları, onlayn nəşrlər iki ölkə arasında dövlət başçıları diplomatiyasının əlaqələrin inkişafı üçün oynadığı böyük rola, Azərbaycan-Vyetna

20 noyabr
.

Yeni Azərbaycan Partiyası: Tarixi missiyadan müasir dövlətçilik strategiyasına uzanan siyasi yol

Azərbaycanın müstəqillik tarixində Yeni Azərbaycan Partiyasının yaradılması ölkənin gələcək siyasi inkişafına istiqamət verən mühüm hadisələrdən biri kimi xüsusi əhəmiyyət daşıyır. 1992-ci il noyabrın 21-də yaradılan bu siyasi təşkilatın meydana çıxması təsadüfi proses deyil, Azərbaycanın müstəqilliyini

17 noyabr
.

Azərbaycan Prezidenti: "Heydər Əliyev Fondu Vyetnamla humanitar münasibətlərin dərinləşməsinə fəal surətdə kömək edir"

"Heydər Əliyev Fondu bu prosesdə xüsusi rola malikdir və Vyetnamla humanitar münasibətlərin dərinləşməsinə fəal surətdə kömək edir". AZƏRTAC-a istinadən xəbər verir ki, bu barədə Prezident İlham Əliyev Vyetnam Xəbər Agentliyinə (VNA) müsahibəsində bildirib. Dövlətimizin başçısı vurğulayıb ki

19 noyabr