Gözəllik uğrunda üzü tanınmaz hala düşdü amma yenə ağıllanmadı

Braziliyada fenomenin estetik arzusu kabusa çevrildi - üzünə təhlükəli maddələr yeridildi

Braziliyada yaşayan sosial media fenomeni Juliana Oliveiranın estetik müdaxilə istəyi ağır nəticələrə səbəb olub.

Sonxeber.az xarici mediaya istinadən xəbər verir ki, Oliveira 2017-ci ildə daha gözəl görünmək məqsədilə üzünə dolğu etdirmək istəyib. Lakin müraciət etdiyi qeyri-peşəkar klinikada ona standart dolğu maddəsi əvəzinə yanaqlarına 21 şpris mineral yağ və işlədici maddə yeridilib.

Prosedurdan sonra fenomenin üzündə güclü şişkinlik və qalıcı deformasiya yaranıb. Onun yanaqları və göz qapaqları uzun müddət şiş vəziyyətdə qalıb və bu problem illərlə davam edib.

The Sun nəşrinin yaydığı məlumata görə, yaşadığı travmaya baxmayaraq, Oliveira estetik müdaxilələrdən imtina etməyib və sonrakı dövrdə döş implantı əməliyyatı da etdirib. Hazırda 32 yaşı olan fenomen estetik proseslərini davam etdirir.

Son olaraq, o, üzündəki zərərli maddələrin çıxarılması üçün Thiago Marra ilə razılığa gəlib. Təxminən 4 saat davam edən əməliyyat zamanı üzündəki mineral yağın bir hissəsi çıxarılıb.

Əməliyyatı həyata keçirən həkim bildirib ki, proses olduqca risklidir və bütün maddələrin bir dəfəyə çıxarılması mümkün deyil. Müalicənin mərhələli şəkildə davam etdiriləcəyi qeyd olunub.

Telegramda izləyin