Ördəklərin yolu keçməsi üçün maşınları saxlayan qadın müzakirə edilir - VİDEO

İstanbulda baş verən hadisə sosial şəbəkələrdə geniş müzakirələrə səbəb olub.

Sonxeber.az türk mediasına istinadən xəbər verir ki, İstanbulda bir qadın yolun qarşısına keçməyə çalışan ana ördək və onun balalarını görərək avtomobilləri saxlayıb və onların təhlükəsiz şəkildə yolu keçməsinə şərait yaradıb. Hadisə şahidlər tərəfindən lentə alınaraq sosial mediada paylaşılıb.

Görüntülər qısa zamanda geniş yayılıb və istifadəçilər arasında fikir ayrılığı yaradıb. Bir qrup insan qadının bu davranışını mərhəmət və insanlıq nümunəsi kimi qiymətləndirərək təqdir edib. Digər qisim isə belə bir addımın qəfil qəza riskinə səbəb ola biləcəyini bildirərək tənqid edib və bu cür hallarda təhlükəsizlik qaydalarının nəzərə alınmasının vacibliyini vurğulayıb.

Paylaşımların şərh bölməsində isə müxtəlif fikirlər səsləndirilib: "Yaxşı insanlar olduqca dünya var", "Zəncirvari qəzaya səbəb ola bilərdi, cərimə edilməli idi", "Dünya yaxşı insanların sayəsində dönür", "Mərhəmətli insanlar həmişə var olsun".

Hadisə bir daha cəmiyyətdə həm mərhəmət, həm də ictimai təhlükəsizlik mövzusunun nə qədər həssas olduğunu göstərib.

Telegramda izləyin