Dünya bu görüntüdən danışır! Robot şəhəri xilas etdi - VİDEO

Polşanın paytaxtı Varşova şəhərində baş verən maraqlı hadisə sosial şəbəkələrdə geniş müzakirələrə səbəb olub.

Sonxeber.az xarici mediaya istinadən xəbər verir ki, şəhərə daxil olan vəhşi donuzların insanabənzər robot vasitəsilə yaşayış ərazisindən uzaqlaşdırılması anları qısa zamanda viral olub.

Yayılan görüntülərdə gecə saatlarında bir məhəllədə hərəkət edən vəhşi donuz sürüsü görünür. Onların ardınca isə kürəyində xüsusi avadanlıq olan robotun hərəkət etdiyi diqqət çəkir. Robotun heyvanları nəzarətli şəkildə istiqamətləndirərək yaşayış zonasından uzaqlaşdırdığı anlar saniyə-saniyə qeydə alınıb.

Kadrlarda robotun donuzları səkilər və yol kənarları boyunca yönləndirərək şəhərdən kənara doğru apardığı, heyvanların isə təşviş içində ərazini tərk etdiyi açıq şəkildə görünür. Bu müdaxilə üsulunun şəhərlərdə artan vəhşi heyvan probleminə qarşı yeni və effektiv yanaşma ola biləcəyi qeyd olunur.

Videonun ən çox diqqət çəkən məqamı isə robotun tapşırığını tamamladıqdan sonra arxaya dönərək sanki əl yelləyirmiş kimi hərəkət etməsi olub. Həmin anlar milyonlarla baxış toplayaraq istifadəçilər arasında maraq doğurub.

Mütəxəssislər bildirirlər ki, bu tip texnologiyalar gələcəkdə şəhər təhlükəsizliyi və vəhşi təbiətin idarə olunmasında mühüm rol oynaya bilər. Bununla belə, bəzi sosial şəbəkə istifadəçiləri baş verənləri "həddindən artıq inkişaf etmiş texnologiya" kimi qiymətləndiriblər.

Telegramda izləyin