Ərinə sataşan qadını qazan qapağı ilə döydü - VİDEO

Sosial şəbəkələrdə yayılan görüntülər qısa zamanda gündəmə çevrilib. Belə ki, görüntülərdə bir qadın, ərinə sataşdığını iddia etdiyi başqa bir qadına küçənin ortasında sərt reaksiya göstərib.

Sonxeber.az xarici mediaya istinadən xəbər verir ki, qəzəbini cilovlaya bilməyən qadın əlindəki qazan qapağı ilə qarşısındakı şəxsə zərbə endirib. Görüntülərdə tərəflər arasında gərginliyin sürətlə artdığı və mübahisənin qısa müddətdə böyüdüyü aydın görünür.

Hadisə yerinə bir müddət sonra qadının həyat yoldaşının da gəlməsi vəziyyəti daha da gərginləşdirib. Tərəflərin qarşı-qarşıya gəlməsi ilə mübahisə davaya çevrilib və baş verənlər ətrafdakı insanların da diqqətini cəlb edib.

Küçədə yaşanan gərgin anlar mobil telefon kamerası ilə qeydə alınıb. Kadrlarda hadisənin getdikcə nəzarətdən çıxdığı müşahidə olunur.

Görüntülər sosial şəbəkələrdə sürətlə yayılaraq müxtəlif reaksiyalara səbəb olub. Bəzi istifadəçilər qadının reaksiyasını anlayışla qarşılasa da, digərləri zorakılığın qəbuledilməz olduğunu vurğulayıb.

Telegramda izləyin