Tramp çıxış zamanı çaşdı: "Bunu kim yazıb?" - VİDEO

ABŞ-nin prezidenti Donald Trump-ın çıxışı zamanı yaşanan maraqlı an sosial şəbəkələrdə geniş müzakirələrə səbəb olub.

Sonxeber.az xarici mediaya istinadən xəbər verir ki, hazırlanan çıxış mətnini oxuyan Tramp bəzi ifadələri anlamaqda çətinlik çəkib. Xüsusilə mətndə yer alan "köşə dükanı" ifadəsi onun diqqətini çəkib və çaşqınlığına səbəb olub.

Çıxışı zamanı bu ifadəyə aydınlıq gətirməyə çalışan Tramp, "Köşə dükanı nə deməkdir? Bu termini heç vaxt eşitməmişəm. Bu cür ifadə ilə qarşılaşmamışam" sözləri ilə təəccübünü ifadə edib.

Mətnə davam edərkən narazılığını gizlətməyən prezident, "Bunu kim yazıb, Allah xatirinə!" deyərək çıxışı hazırlayan komandaya reaksiya verib.

Həmin anlar qısa müddətdə sosial şəbəkələrdə yayılaraq müxtəlif reaksiyalar doğurub. İstifadəçilər Trampın bu spontan çıxışını fərqli prizmadan qiymətləndirib, onun çıxış tərzi və tez-tez mətndən kənara çıxması yenidən müzakirə mövzusuna çevrilib.

Telegramda izləyin