Qəzəbli ata kəsici alətlə qızının iş yerinə basqın etdi - VİDEO

İstanbulun Çekmeköy rayonunda baş verən hadisə ictimaiyyətdə narahatlıq yaradıb.

Sonxeber.az türk mediasına istinadən xəbər verir ki, iddialara görə, bir ata qızının narkotik maddələrə aludə edildiyini düşünərək əlində kəsici alətlə bir iş yerinə hücum edib. Qəzəbli halda dükanın içinə daxil olmağa çalışan şəxsə obyekt sahibləri isə dəyənək və digər kəsici alətlərlə müqavimət göstəriblər.

Küçənin ortasında baş verən qarşıdurma qısa müddətli təşvişə səbəb olub. Tərəflər bir-birinin üzərinə yürüyərək əllərindəki kəsici alətlərlə hücum etməyə cəhd ediblər. Xoşbəxtlikdən hadisə zamanı xəsarət alan olmayıb.

Hadisə ətrafdakı vətəndaşlardan birinin mobil telefon kamerası ilə lentə alınıb. Görüntülərdə tərəflərin bir neçə dəqiqə ərzində mübahisə etdiyi və qarşılıqlı şəkildə aqressiv davranış sərgilədiyi əks olunub.

Hadisə yerinə çağırılan hüquq-mühafizə orqanlarının əməkdaşları məsələ ilə bağlı araşdırmalara başlayıb. Yerli sakinlər isə gündüz saatlarında baş verən bu təhlükəli insidenti qorxu ilə izlədiklərini bildiriblər.

Telegramda izləyin