Uşaqların sel suyunda təhlükəli oyunu - VİDEO

Şırnakda təsirli leysan yağışlarının yaratdığı sel yolları gölə çevirib. Buna baxmayaraq, bəzi uşaqların sel sularında oynaması diqqət çəkib.

Sonxeber.az türk mediasına istinadən xəbər verir ki, Şırnak-Siirt yeni avtomobil yolunun Gühozuk ərazisində güclü yağışlardan sonra daşan çaylar yolu demək olar ki, iki hissəyə bölüb. Suyun səviyyəsinin qısa müddətdə yüksəlməsi sürücülər üçün çətin anlar yaradıb, bəzi nəqliyyat vasitələri hərəkətdə çətinlik çəkib. Nəticədə bölgədə nəqliyyatın hərəkəti zaman-zaman iflic olub.

Şırnakın mərkəzinə bağlı Dağkonak kəndində isə fərqli mənzərə ortaya çıxıb. Daşqın sularının içində qalan uşaqların sel sularında oynaması kameralar tərəfindən qeydə alınıb.

Səlahiyyətli qurumlar vətəndaşları ani sel və su basqınları riskinə qarşı diqqətli olmağa çağırıb, xüsusilə çay yataqlarından uzaq durmağın vacibliyini vurğulayıb. Bölgədə yağıntıların fasilələrlə davam edəcəyi gözlənilir. Aidiyyəti qurumların mümkün fəsadlara qarşı hazır vəziyyətdə olduğu bildirilir. Selin təsir etdiyi ərazilərdə zərərin qiymətləndirilməsi işlərinə başlanacağı gözlənilir.

Telegramda izləyin