9 dəfə ölümdən dönən şəxs öz məzarını qazmağa başladı - VİDEO

İstanbulda uzun illər özəl şirkətdə çalışan və daha sonra təqaüdə çıxan 54 yaşlı kişinin həyatı yaşadığı ağır hadisələrlə diqqət çəkir. 2017-ci ildə həyat yoldaşının istəyi ilə Safranbolunun Kuzyakaköseler kəndinə köçən iki uşaq atası, illərdir ölümün bir addımlığından qayıdır.

Sonxeber.az türk mediasına istinadən xəbər verir ki, onun ölüm-dirim mübarizəsi 2000-ci ildə keçirdiyi ağır yol-nəqliyyat hadisəsi ilə başlayıb.

Uzun müddət xəstəxanada müalicə alan şəxs sağaldıqdan sonra işinə qayıdıb. Lakin 2005-ci ildə baş verən ikinci qəza nəticəsində beli sınan kişi təxminən bir il yataq xəstəsi kimi yaşayıb. Müalicədən sonra yenidən ayağa qalxan o, 2015-ci ildə üçüncü dəfə ağır yol qəzası keçirib və bu hadisədən sonra təqaüdə çıxaraq kəndə köçüb.

Kənd həyatına yerləşdikdən sonra da bədbəxt hadisələr onu təqib edib. Doğma kəndində gəzinti zamanı ayı hücumuna məruz qalan və uçurumdan yıxılmasına baxmayaraq sağ qalan şəxs, 2025-ci ildə ardıcıl üç dəfə ürək tutması keçirib.

Həyata möcüzəvi şəkildə dönən kişi son olaraq bir həftə fasilə ilə iki dəfə arı sancması nəticəsində komaya düşüb.

Xəstəxanadan çıxdıqdan sonra diqqət çəkən qərar verən şəxs yaşadıqlarını "doqquz canlı pişiklərə" bənzədərək öz məzarını qazmağa başlayıb.

Telegramda izləyin