Hakan Fidandan "Coğrafiya taledir?" sualına qeyri-adi üsulla cavab - VİDEO

Türkiyənin xarici işlər naziri Hakan Fidan Antalya Diplomatiya Forumunda diqqətçəkən çıxış edib. O, "Coğrafiya taledir?" sualına qeyri-adi üsulla cavab verib.

Sonxeber.az xəbər verir ki, Nazir çıxışı zamanı çantasından xəritə çıxararaq regiondakı strateji məqamları vizual şəkildə izah edib. Antalya Diplomacy Forum çərçivəsində danışan Fidan Türkiyənin milli maraqlarını bir-bir xəritə üzərində göstərərək izah edib.

O bildirib ki, Türkiyə bölgədə ticarət yollarının təhlükəsizliyi, sərhədlərin toxunulmazlığı və suverenlik hüquqları məsələlərində qəti mövqe nümayiş etdirir. Nazir xəritədə müəyyən əraziləri işarələyərək vurğulayıb ki, ölkənin "qırmızı xətləri" mövcuddur və bu məsələlərdə heç bir güzəştə gedilməyəcək.

Hakan Fidan əlavə edib ki, coğrafiya mühüm faktor olsa da, dövlətlərin taleyi yalnız coğrafiya ilə müəyyən olunmur. Onun sözlərinə görə, siyasi iradə, strateji baxış və güclü diplomatiya da ən az coğrafiya qədər həlledici rol oynayır.

Telegramda izləyin