İstanbul NS Klinikasında Zərifə Əliyevanın xatirəsinə pulsuz göz müayinəsi həyata keçiriləcək.

İstanbul NS Klinikasının göz şöbəsinin müdiri, cərrah-oftalmoloq Rəşidəlizadə Ergün tərəfindən, "Vətəndaşların Sosial Rifahı Naminə" içtimai birliyi və Dövlət miqrassiya xidməti yanında içtimai şuranın təşəbbüsü ilə, akademik Zərifə xanım Əliyevanın anadan olmasının 103-cü ildönümü münasibətilə pasiyentlər üçün təmənnasız göz müayinəsi aksiyası təşkil olunacaq.

Aksiya 28 aprel, saat 10:00-dan 16:00-dək İstanbul NS klinikasının Oftalmologiya şöbəsində keçiriləcək.

Əlaqə üçün: +994 993811535

Aksiya çərçivəsində çoxsaylı vətəndaşlar göz sağlamlığı ilə bağlı müayinədən keçiriləcək, həkim məsləhətləri alınacaq. Müayinələr zamanı erkən diaqnostikanın əhəmiyyəti xüsusi vurğulanır.

Qeyd edək ki, akademik Zərifə xanım Əliyeva Azərbaycan oftalmologiyasının formalaşmasında və inkişafında müstəsna rol oynamış görkəmli alimdir. Onun elmi fəaliyyəti və tibbi xidmət sahəsində gördüyü işlər bu gün də oftalmoloqlar üçün örnək hesab olunur.
Bu gün Azərbaycanda fəaliyyət göstərən oftalmoloqlar akademikin yaratdığı elmi məktəbi yüksək qiymətləndirir və onun qoyduğu ənənələri davam etdirirlər.

Qeyd etmək lazımdır ki, Rəşidəlizadə Ergün artıq bir neçə ildir ki, hər il 28 aprel - Zərifə xanım Əliyevanın doğum günü münasibətilə bu cür sosial yönümlü aksiyalarda iştirak edir və bu təşəbbüslər cəmiyyət tərəfindən böyük maraqla qarşılanır.

Həkimin sözlərinə görə:

"Zərifə xanım Əliyevanın qoyduğu elmi və tibbi irs bizim üçün böyük məsuliyyətdir. Bu aksiyalar vasitəsilə biz həm onun xatirəsini yad edir, həm də cəmiyyətə faydalı olmağa çalışırıq".

Əlaqə üçün: +994 993811535
Cərrah-oftalmoloq Rəşidəlizadə Ergün

Telegramda izləyin