Xərçəng xəstəliyinə yoluxanların sayı niyə durmadan artır?

Bir çoxları hesab edir ki, onkoloji xəstəliklər texniki tərəqqinin "nəticəsidir". Kütləvi şüurda keçmiş daha təmiz, plastik və zərərli qazların olmadığı, insanların xərçəngi tanımadığı bir dövr kimi təsəvvür olunur.

Oxu.Az Ümumdünya Səhiyyə Təşkilatı və Xərçəngin Tədqiqi üzrə Beynəlxalq Agentliyin hesablamalarına istinadən xəbər verir ki, dünyada hər beş nəfərdən birinə həyatının müəyyən dövründə xərçəng diaqnozu qoyulur.

Məsələn, 2022-ci ildə 20 milyondan çox yeni hal qeydə alınıb və bu rəqəmin artacağı proqnozlaşdırılır.

Bu göstəricilərə bir neçə amil təsir edir. Əvvəllər insanlar infeksiyalar, travmalar və aclıq səbəbindən daha tez vəfat etdikləri üçün "onkoloji yaş"a çatmırdılar. Xərçəng hallarının əksəriyyəti 50-60 yaşdan yuxarı şəxslərdə aşkarlanır, buna görə yaş əsas risk faktoru sayılır.

Ətraf mühitin - havanın, torpağın və suyun çirklənməsi də xərçəng riskini artıran mühüm amillərdəndir. Məsələn, 2023-cü ildə ağciyər xərçəngindən ölümlərin 17%-i hava çirklənməsi ilə əlaqələndirilib. Lakin daha güclü təsir göstərən digər səbəblər də var: siqaret çəkmə nəticəsində yaranan eyni xəstəlikdən ölüm halları 70% təşkil edib.

"Qlobal Xəstəlik Yükü" layihəsinin hesablamalarına görə, xərçəng hallarının təxminən 15 faizini həyat tərzinin dəyişdirilməsi ilə qarşısını almaq mümkündür.

Telegramda izləyin