Maşın oğurlamağa cəhd etdi, yaxalananda: "Maşın mənimdir" deyib müqavimət göstərdi - VİDEO

Türkiyənin Bursa vilayətinin Orhangazi rayonunda park halında olan avtomobili oğurlamağa cəhd edən qadın cinayət başında yaxalanıb.

Sonxeber.az türk mediasına istinadən xəbər verir ki, hadisə Orhangazi rayonunun Hürriyet məhəlləsində baş verib.

Məlumata görə, küçədə park edilmiş avtomobili hədəf seçən qadın arxa şüşəni sındıraraq nəqliyyat vasitəsinə daxil olub. O, özü ilə gətirdiyi fərqli açarla avtomobili işə salmağa çalışıb.

Bir müddət sonra vəziyyəti fərq edən avtomobil sahibləri qadını maşından düşürmək istəyiblər. Lakin şübhəli şəxs "Bu maşın mənimdir, əsl oğru sizsiniz" deyərək avtomobildən enməkdən imtina edib.

Bundan əlavə, qadının onu avtomobildən çıxarmağa çalışan sahiblərə və ətrafdakı vətəndaşlara fiziki müqavimət göstərdiyi bildirilir.

Hadisə yerinə çağırılan polis əməkdaşları qadını çətinliklə avtomobildən çıxararaq saxlayıblar. Polis bölməsinə aparılan şübhəli barəsində araşdırmalar davam edir.

Yaşanan hadisədən şoka düşən avtomobil sahiblərinin qadından şikayətçi olduğu qeyd olunub.

Telegramda izləyin