"Vilyareal" klubundan gözlənilməz qərar

İspaniyanın "Vilyareal" klubu cari mövsümün sonunda baş məşqçi Marselino Toralın komandanı tərk edəcəyini rəsmən açıqlayıb.

Oxu.Az xəbər verir ki, bu barədə klub "X" sosial şəbəkəsindəki hesabında yaydığı bəyanatda bildirib.

"Bu klub və onun azarkeşləri üçün etdiyin hər şeyə görə sənə ürəkdən böyük təşəkkür edirik, Marselino. Gələcək idman layihələrində sənə ən yaxşılarını arzulayırıq", - deyə bəyanatda qeyd olunub.

Xatırladaq ki, Marselino Toral 2023-cü ilin noyabrında yenidən "Vilyarreal"ın sükanı arxasına keçmişdi. Mütəxəssisin klubla olan müqaviləsinin müddəti 2026-cı ilin yayına qədər nəzərdə tutulmuşdu.

O, daha əvvəl 2013-2016-cı illərdə də bu komandanı çalışdırıb, ardınca isə "Valensiya", "Atletik" və "Marsel" klublarına rəhbərlik edib.

Qeyd edək ki, İspaniya La Liqasında arxada qalan 34 turdan sonra "Vilyareal" 68 xalla turnir cədvəlinin üçüncü pilləsində qərarlaşıb.

Telegramda izləyin