Yanğından xilas olduğunu düşündü, həyat yoldaşının acı taleyi sonra üzə çıxdı

Trabzonun Hayrat rayonunda baş verən yanğın faciə ilə nəticələnib.

Sonxeber.az türk mediasına istinadən xəbər verir ki, rayonun kəndlərindən birində yerləşən daş və taxta konstruksiyalı yaşayış evində qəfil yanğın başlayıb. Hadisə zamanı evdə olan Fatma Ahmetoğlu alovların arasında qalaraq həyatını itirib. Onun həyat yoldaşı isə son anda özünü çölə ataraq xilas ola bilib.

İlkin məlumata görə, əri əvvəlcə həyat yoldaşı ilə birlikdə evdən çıxdığını zənn edib. Lakin yanğın söndürüldükdən sonra Fatma Ahmetoğlunun evdə qaldığı və həlak olduğu müəyyən edilib.

Güclü alov nəticəsində ev tamamilə yararsız hala düşüb.

Faktla bağlı araşdırma başladılıb.

Telegramda izləyin