Qızının istismar edildiyini öyrənən ana polis idarəsində dünyasını dəyişdi

Türkiyənin Artvin vilayətində əqli qüsurlu qızının cinsi istismara məruz qaldığını iddia edərək polisə şikayət edən qadın xəstəxanada həyatını itirib.

Sonxeber.az xarici mediaua istinadən xəbər verir ki, hadisə Şavşat rayonunda baş verib. Məlumata görə, əqli qüsurlu 26 yaşlı Y.S. anası 53 yaşlı Nalan Kayaya bir şəxs tərəfindən cinsi istismara məruz qaldığını bildirib. Bundan sonra ana polis bölməsinə gedərək şikayət ərizəsi yazıb.

Şikayətdən sonra araşdırmalara başlayan polis əməkdaşları verilən təsvir əsasında şübhəli bilinən 49 yaşlı T.K.-ni qısa müddətdə saxlayaraq nəzarətə götürüblər.

Bu vaxt polis bölməsində olan Nalan Kayanın təzyiqinin qəfil yüksəldiyi və vəziyyətinin pisləşdiyi bildirilib. Hadisə yerinə çağırılan təcili tibbi yardım əməkdaşları onu Şavşat Dövlət Xəstəxanasına çatdırıblar.

Müayinələr zamanı qadının aorta damarının yırtıldığı müəyyən edilib. Həkimlərin bütün müdaxilələrinə baxmayaraq, onun həyatını xilas etmək mümkün olmayıb.

Tək uşaq anası olduğu bildirilən Nalan Kayanın ölümü rayonda böyük kədərə səbəb olub. Polis bölməsindəki prosedurlar tamamlandıqdan sonra məhkəməyə çıxarılan şübhəli T.K. barəsində həbs qətimkan tədbiri seçilərək cəzaevinə göndərilib.

Telegramda izləyin