Qadınlar metroda gənc qızların fotosunu çəkən şəxsi döydülər - VİDEO

Tokyo metrosunda gənc qızların gizli şəkildə uyğun olmayan fotolarını çəkdiyi iddia edilən şəxs qadın sərnişinlər tərəfindən saxlanılıb.

Sonxeber.az xarici mediaya istinadən xəbər verir ki, metroda gənc qızların gizlicə fotolarını çəkməyə çalışan şəxs qadın sərnişinlərin diqqətini çəkib. Vəziyyətin fərqinə varan qadınlar qaçmağa çalışan şəxsin ətrafını mühasirəyə alaraq onun uzaqlaşmasının qarşısını alıblar.

Hadisə zamanı bəzi sərnişinlərin də qadınlara dəstək verdiyi bildirilib. Metro stansiyasında yaşanan anlar mobil telefon kameraları ilə lentə alınıb.

Sosial şəbəkələrdə sürətlə yayılan görüntülər geniş müzakirələrə səbəb olub. İstifadəçilərin əksəriyyəti qadınların birlik nümayiş etdirərək şübhəlini polis gələnə qədər saxlamasını təqdir edib.

Bir çox sosial media istifadəçisi hadisəni küçə və ictimai nəqliyyatda baş verən təcavüz və gizli çəkiliş hallarına qarşı ictimai reaksiyanın nümunəsi kimi qiymətləndirib.

Telegramda izləyin