Hantavirusla bağlı həyəcan siqnalı: ÜST-dən yeni yoluxma xəbərdarlığı

Ümumdünya Səhiyyə Təşkilatı "MV Hondius" adlı sərnişin gəmisində aşkarlanan Hantavirus infeksiyası halları ilə bağlı həyəcan təbili çalıb.

Sonxeber.az xarici mediaya istinadən xəbər verir ki, təşkilatın baş direktoru Tedros Adhanom Qebreyesus bildirib ki, Andes virusunun gizli yayılma müddəti 6 həftəyə qədər uzana bilər. Onun sözlərinə görə, bu səbəbdən yaxın vaxtlarda yeni yoluxma hallarının qeydə alınması istisna edilmir.

Hazırda gəmidə qeydə alınan 8 şübhəli hadisədən 5-nin təsdiqləndiyi açıqlanıb. Yoluxma nəticəsində 3 nəfərin həyatını itirdiyi, bir sərnişinin isə ağır vəziyyətdə reanimasiya şöbəsində müalicə aldığı bildirilib.

Mütəxəssislər vəziyyətin nəzarətdə saxlanıldığını qeyd etsələr də, sərnişinlər və heyət üzvləri arasında tibbi müşahidələrin davam etdirildiyi vurğulanıb.

Telegramda izləyin