6 ildən sonra konsert verəcək, biletlər 40 dəqiqəyə satıldı

Türkiyəli məşhur rok müğənnisi Şebnem Ferah uzun sürən fasilədən sonra yenidən səhnəyə qayıdır.

Sonxeber.az xarici mediaya istinadən xəbər verir ki, müğənninin iyunun 3-də İstanbul şəhərində keçiriləcək konserti üçün satışa çıxarılan biletlər cəmi 40 dəqiqə ərzində tamamilə tükənib. Minlərlə pərəstişkarın bilet əldə etmək üçün növbəyə dayandığı bildirilir.

Sosial şəbəkələrdə yayılan iddialara görə, bəzi şəxslər biletləri toplu şəkildə satın alaraq daha sonra onları qara bazarda satışa çıxarıblar. Bildirilir ki, bəzi biletlərin qiyməti 80 min türk lirəsinə, yəni təxminən 3050 manata qədər yüksəlib.

Qısa müddətdə gündəmə çevrilən məsələ sosial şəbəkə istifadəçilərinin də narazılığına səbəb olub. Bir çox istifadəçi bilet satış sisteminə nəzarətin gücləndirilməsinin vacibliyini vurğulayıb.

Telegramda izləyin