70 il sonra yenidən canlandı! Məst edən görüntü - VİDEO

Türkiyənin Elazığ vilayətində uzun illərdir quraqlıq səbəbindən quruyan Sudökülen şəlaləsi güclü qar yağışı və son yağışlardan sonra yenidən axmağa başlayıb. Təxminən 70 ildən sonra canlanan şəlalə bölgədə sevinc yaradıb.

Sonxeber.az xarici mediaya istinadən xəbər verir ki, son aylarda bölgədə müşahidə olunan intensiv qar yağışı və yağıntılar təbiəti yenidən canlandırıb. Ağyazı və Karayazı çaylarında su səviyyəsinin yüksəlməsi nəticəsində iki axının birləşdiyi nöqtədə yerləşən Sudökülen şəlaləsində yenidən su axını yaranıb.

Təbii gözəlliyi ilə diqqət çəkən şəlalə həm havadan, həm də qurudan lentə alınıb. Bölgə sakinləri uzun illər sonra şəlalənin yenidən canlanmasını sevindirici hadisə kimi qiymətləndiriblər.

Uşaqlıq illərinin həmin ərazidə keçdiyini deyən Şevket Ergen bildirib ki, şəlalənin yenidən axması bölgəyə xüsusi gözəllik qatıb.

Onun sözlərinə görə, Ağyazı və Karayazı istiqamətindən gələn çaylar körpü yaxınlığında birləşir və bu da şəlalənin yaranmasına səbəb olur. Ergen qeyd edib ki, suyun olması insanları bölgəyə cəlb edir və ailələr uşaqları ilə birlikdə əraziyə gələrək mənzərəni izləyirlər.

Şevket Ergen bu il yağıntıların normadan çox olduğunu da vurğulayıb. O bildirib ki, bölgənin turizm məkanına çevrilməsini istəyirlər, lakin hazırda tikinti və yaşayış məsələləri buna mane olur. Buna baxmayaraq, yerli sakinlər Sudökülen şəlaləsinin gələcəkdə turizm üçün istifadəyə açılacağına ümid edirlər.

Telegramda izləyin