Gənc qız müəlliminin əlindən qurtulmaq üçün çılpaq halda özünü binadan atıb

Türkiyənin Kastamonu şəhərində universitet tələbəsi olan gənc qızın çılpaq halda binanın ikinci mərtəbəsindən tullanaraq ağır xəsarət alması ilə bağlı araşdırılan hadisədə, Kastamonu Universitetinin müəllimi A.D. bir neçə ağır ittiham üzrə həbs edilib.

Sonxeber.az xarici mediaya istinadən xəbər verir ki, hadisə Kastamonunun Seheryeli küçəsində yerləşən binada baş verib. İddiaya əsasən, universitet tələbəsi olan gənc qız çılpaq vəziyyətdə binanın ikinci mərtəbəsindən özünü atıb. O, park edilmiş avtomobilin üzərinə düşərək ağır yaralanıb.

Hadisə yerinə çağırılan təcili tibbi yardım və polis əməkdaşları yaralıya ilkin yardım göstərdikdən sonra onu xəstəxanaya çatdırıblar. Hazırda gənc qızın müalicəsinin davam etdiyi bildirilib.

Hadisə zamanı evdə olduğu qeyd edilən Kastamonu Universitetinin müəllimi A.D. barəsində Kastamonu Respublika Prokurorluğu tərəfindən cinayət işi açılıb. İstintaqın ilkin nəticələrinə əsasən, hadisənin qəza olmaya biləcəyi ehtimalı nəzərə alınaraq müəllim saxlanılıb.

Polisdəki ifadə və araşdırmalardan sonra məhkəməyə çıxarılan A.D.-yə qarşı "ağırlaşdırılmış cinsi zorakılıq", "şəxsi azadlıqdan məhrum etmə", "şəxsi həyatın toxunulmazlığını pozma", "əmlaka zərər vurma", "silahla hədələmə" və "təhqir" maddələri üzrə ittiham irəli sürülüb.

Məhkəmənin qərarı ilə şübhəli barəsində həbs qətimkan tədbiri seçilərək cəzaevinə göndərilib.

Telegramda izləyin