Mbappénin anası pna yönələn etirazları gülərək qarşıladı - VİDEO

"Real Madrid"də çıxış edən Kylian Mbappé növbəti dəfə azarkeşlərin sərt reaksiyası ilə üzləşib.

Sonxeber.az xarici mediaya istinadən xəbər verir ki, "Real Oviedo" ilə keçirilən oyunda fransalı ulduzun adı stadionda elan olunarkən, "Santyaqo Bernabeu" tribunalarından fit və yuhlama səsləri yüksəlib.

Oyunda yaşanan başqa bir detal isə sosial şəbəkələrdə geniş müzakirələrə səbəb olub. Mbappenin anasının tribunadakı reaksiyası diqqət çəkib. O, oğluna yönələn etirazları gülərək qarşılayıb. Həmin anların görüntüləri qısa müddətdə yayılıb.

Məlumata görə, kuboksuz başa çatan mövsümdən sonra "Real Madrid"də həm rəhbərlik, həm də futbolçular üzərində təzyiq artıb. Xüsusilə komandanın əsas ulduzlarına qarşı narazılığın daha çox hiss olunduğu bildirilir.

Son dövrlər Kylian Mbappé həm performansı, həm də meydandan kənar davranışları səbəbindən tənqid olunur. "El Clasico" öncəsi İtaliyaya etdiyi istirahət səfərinin də azarkeşlərin narazılığına səbəb olduğu qeyd edilir.

Telegramda izləyin