Gənc həkim vəkil sevgilisinin evində pəncərədən yıxıldı - VİDEO

İstanbulun Kağıthane rayonunda 29 yaşlı nevroloq həkim Alime Özge K. yaşadığı binanın 4-cü mərtəbəsindəki terrasdan yıxılaraq ağır xəsarət alıb.

Sonxeber.az xarici mediaya istinadən xəbər verir ki, hadisə Telsizlər məhəlləsində baş verib.

Məlumata görə, gənc həkim gecə saatlarında vəkil sevgilisi Özgür Y.-nin evinə gedib. İddialara əsasən, gecə ərzində cütlük arasında mübahisə yaşanıb.

Səhər saatlarında terrasdan yıxılan Alime Özge K. əvvəlcə ağaca, daha sonra isə səkiyə çırpılıb. Hadisə yerinə çağırılan təcili tibbi yardım briqadası tərəfindən xəstəxanaya çatdırılan həkim reanimasiyaya yerləşdirilib və onun vəziyyətinin ağır olduğu bildirilib.

Hadisədən sonra polis vəkil Özgür Y. və evdə olan iki qardaş-bacısını ifadə almaq üçün saxlayıb. Özgür Y. ifadəsində aralarında həmin gün mübahisə olmadığını, səhər qapı zənginə oyandıqlarını və Alime Özge K.-nin qəfil terasa qaçaraq özünü aşağı atdığını iddia edib.

Araşdırma zamanı məlum olub ki, Alime Özge K.-nin 71 faiz fiziki məhdudiyyəti var. Ərazi sakinləri isə yalnız yıxılma səsi eşitdiklərini, bundan əvvəl hər hansı mübahisə səsi duymadıqlarını bildiriblər.

Hadisə ilə bağlı araşdırma davam edir.

Telegramda izləyin