Hamilə qadınlara qətiyyən bunları demək olmaz

Hamilə qadınlara deyilməməli olan yeddi ifadə və bu cür şərhlərin insanın emosional vəziyyətinə və şəxsi sərhədlərinə niyə zərər verdiyi açıqlanıb.

Lent.az xarici mediya istinadən xəbər verir ki, ekspertlər hətta zarafat və ya neytral görünən ifadələrin belə gələcək valideynlərdə stress, həssaslıq və narahatlıq hissini artıra biləcəyini vurğulayırlar.

"Çox böyümüsən! Yəqin əkizdir?"

Psixoterapevtlər bədən haqqında belə şərhlərin son dərəcə incidici ola biləcəyini hesab edir. Hətta zarafat məqsədilə deyilən sözlər belə utanc və həssaslıq hissi yaradır.

"Sən heç hamiləyə oxşamırsan"

Belə ifadələr də insanı incidə bilər. Çünki bu, hamilə qadını müəyyən "normal" görünüş standartı ilə müqayisə edir və təzyiq yaradır.

"İndi yat, sonra imkanın olmayacaq"

Ekspertlərin fikrincə, bu tip ifadələr kömək etmək əvəzinə narahatlığı artırır və gələcək valideynliyi qorxulu bir mərhələ kimi göstərir.

"Hamiləliyin dadını çıxarmalısan"

Mütəxəssislər bildirirlər ki, belə yanaşmalar insanın fərdi hiss və təcrübələrini nəzərə almır.

"Mən hamilə olanda..."

Həkimlər və reproduktiv sağlamlıq üzrə mütəxəssislər qeyd edirlər ki, "ideal" və ya əksinə, çox çətin keçən hamiləliklərlə bağlı müqayisələr əlavə təzyiq və narahatlıq yaradır.

"Azadlığının dadını çıxar, sonra hər şey dəyişəcək"

Ekspertlərin sözlərinə görə, belə ifadələr uşaq dünyaya gəldikdən sonra həyatın mütləq şəkildə pisləşəcəyi düşüncəsini formalaşdırır.

"Uşaq planlı idi?"

Həkimlər bu sualı son dərəcə şəxsi və yolverilməz hesab edirlər. Çünki bu, insanın intim həyatına müdaxilə edir və bir çox ailənin hamiləliyə gedən mürəkkəb yolunu nəzərə almır.

Telegramda izləyin