16 yaşlı yeniyetmə intihara cəhd edib

Kayseri şəhərində tikilməkdə olan binanın 9-cu mərtəbəsinə çıxaraq intihara cəhd edən 16 yaşlı yeniyetmə polis əməkdaşları tərəfindən son anda fikrindən daşındırılıb.

Sonxeber.az xarici mediaya istinadən xəbər verir ki, hadisə şəhərin Melikgazi rayonunun İldem Yeşilyurt məhəlləsində qeydə alınıb. Məlumata görə, M.D. adlı 16 yaşlı yeniyetmə tikintisi davam edən binanın 9-cu mərtəbəsinə çıxaraq intihar etmək istəyib. Əraziyə dərhal polis, yanğınsöndürmə və təcili tibbi yardım briqadaları cəlb olunub.

Hadisə yerində təhlükəsizlik tədbirləri görülərkən, yanğınsöndürənlər mümkün faciənin qarşısını almaq üçün binanın qarşısında xüsusi hava yastığı quraşdırıblar.

Təxminən 2 saat davam edən danışıqlardan sonra polis əməkdaşları və hadisə yerinə gələn Sedat Sırrı Arısoy yeniyetməni fikrindən daşındırmağa nail olublar. Daha sonra o, təhlükəsiz şəkildə aşağı endirilərək həkimlərə təhvil verilib.

Telegramda izləyin