Çamadanındakı bu əşya ortaya çıxanda utancından öldü

Xaricdə 24 yaşlı gənc qadının çamadanında aşkarlanan intim məhsul səbəbindən baqajı saxlanılıb və özü ayrıca otağa aparılıb.

Sonxeber.az xarici mediaya istinadla xəbər verir ki, hadisə Taylandın Koh Samui adasından Banqkoka uçuş zamanı baş verib. Oliwia Krol təyyarədən düşdükdən sonra çamadanının gəlmədiyini görüb. Daha sonra əlində onun adının yazıldığı lövhə ilə yaxınlaşan hava limanı əməkdaşlarını görən gənc qadın ciddi panik yaşadığını bildirib.

Onun sözlərinə görə, ayrıca otağa aparıldığı anda uşaqlıqda izlədiyi sərhəd təhlükəsizliyi proqramları yadına düşüb və özünü böyük problemlə üz-üzə qaldığını düşünüb.

Gənc qadın bildirib ki, əməkdaşlar əvvəlcə çamadanda ya alışqan, ya da "xüsusi əşya" olduğunu deyiblər. O isə həmin an problemin nə ilə bağlı olduğunu başa düşdüyünü söyləyib.

Rəsmi sənəd imzaladıqdan sonra çamadan açılıb və içəridə intim məhsul olduğu müəyyən edilib. Şübhəli əşya səbəbindən təyyarəyə yüklənməyən baqaj təxminən 24 saat hava limanında saxlanılıb.

Oliwia Krol yaşadığı hadisədən sonra dostlarının uzun müddət onunla zarafat etdiyini bildirib. O, "İndi düşünəndə gülməli gəlir, amma həmin an həqiqətən çox utancverici idi" sözlərini deyib.

Telegramda izləyin