Kəndi su altında qaldı: Yalnız minarənin ucu görünür - VİDEO

Türkiyənin Qars vilayətinin Sarıqamış rayonunda yerləşən Karakurt Barajında su səviyyəsinin 100 faiz doluluğa çatması nəticəsində qədim kənd tamamilə su altında qalıb.

Sonxeber.az türk mediasına istinadən xəbər verir ki, kənddən geriyə yalnız məscidin minarəsinin görünən ucu qalıb.

Hadisə bölgədə dron vasitəsilə görüntülənib. Çəkiliş zamanı kənd sakinlərindən olan yaşlı bir şəxsin drona daş atması isə diqqət çəkib və sosial şəbəkələrdə maraqla qarşılanıb.

Məlumata görə, suyun səviyyəsinin yüksəlməsi ilə yaşayış məntəqəsindəki evlər və digər tikililər tamamilə görünməz olub. Hazırda ərazi yalnız minarənin bir hissəsi ilə seçilir.

Sosial mediada yayılan görüntülər qısa zamanda geniş müzakirələrə səbəb olub.

Telegramda izləyin