Döyülən qadına kömək edən qardaşları bıçaqlandı - VİDEO

Kayseridə küçədə bir qadının döyüldüyünü görən iki qardaş ona kömək etmək istəyərkən bıçaqlı hücuma məruz qalıb.

Sonxeber.az xarici mediaya istinadla xəbər verir ki, hadisə Talas rayonunun Mevlana məhəlləsində, Elçibəy prospektində baş verib. Məlumata görə, F.K. adlı iki qardaş küçədə bir kişinin qadını döydüyünü görərək müdaxilə edib və şübhəliyə xəbərdarlıq ediblər.

Qadını xilas etməyə çalışan qardaşlar naməlum şəxs tərəfindən bıçaqlanıb. Hadisə yerinə polis və təcili tibbi yardım briqadaları cəlb olunub.

Yaralanan qardaşlar Erciyes Üniversitesi Tıp Fakültesi Hastanesinə aparılıb və müalicə altına alınıblar.

Hadisədən sonra şübhəlinin döydüyü qadını da özü ilə götürərək ərazidən qaçdığı bildirilib. Polis hadisə ilə bağlı araşdırma aparır və qaçan şəxsin saxlanılması istiqamətində əməliyyatları davam etdirir.

Telegramda izləyin